ဘရိုက်တန်အသင်းနဲ့ ရာသီကုန်မှာလမ်းခွဲခဲ့တဲ့ နည်းပြဒီဇာဘီဟာ ပြင်သစ်ကလပ် မာဆေးလ်အသင်းကို နည်းပြ အဖြစ် ကိုင်တွယ်ဖို့အတွက် သဘောတူညီမှုရခဲ့ပြီလို့ ဇွန်လ(၂၄)ရက်နေ့မှာ မာဆေးလ်အသင်းက တရားဝင် ကြေညာသွားခဲ့ပါတယ်။
မာဆေးလ်အသင်းဟာ ပြီးခဲ့တဲ့ရာသီက နည်းပြဂတ်တူဆိုကို ထုတ်ပယ်ခဲ့ပြီးနောက် ယာယီနည်းပြအဖြစ် ဂတ်ဆက်ကို ခန့်ခဲ့ပေမယ့် ရာသီကုန်မှာ အဆင့်(၈)သာ ရခဲ့တာကြောင့် နည်းပြသစ်ခန့်ဖို့ လုပ်ဆောင်ခဲ့တာပါ။
နည်းပြသစ်ဖြစ်လာမယ့် ဒီဇာဘီဟာ ဘရိုက်တန်အသင်းကို ရလဒ်ကောင်းရအောင် လုပ်ဆောင်ပေးခဲ့သလို အသင်းသမိုင်းတစ်လျှောက် ပထမဆုံးအကြိမ် ဥရောပဝင်ခွင့်ရအောင် လုပ်ဆောင်ပေးခဲ့ သူလည်း ဖြစ်ပါတယ်။
မာဆေးလ်အသင်းဟာ နည်းပြဒီဇာဘီကို တရားဝင်စာချုပ် ချုပ်ဆိုနိုင်ဖို့အတွက် လာမယ့် ရက်ပိုင်းအတွင်း လုပ်ဆောင်သွားမှာဖြစ်ပြီး ပရိသတ်တွေကို တရားဝင် မိတ်ဆက်ပေးသွားမယ်လို့ သိရပါတယ်။
