ဆွစ်ဇာလန်ကို တစ်ဖက်(၁)ဂိုးစီသရေကျခဲ့ပြီးနောက် နောက်တစ်ဆင့်တက်နိုင်ခဲ့တဲ့အတွက် ပျော်ရွှင်မိတယ်လို့ ဂျာမနီတိုက်စစ်မှူး ဖူခရက်က ပွဲအပြီးမှာ ပြောကြားခဲ့ပါတယ်။
ဂျာမနီဟာ ဆွစ်ဇာလန်အသင်းနဲ့ ကစားခဲ့တဲ့ အုပ်စုနောက်ဆုံးပွဲစဉ်မှာ သရေကျခဲ့ပေမယ့် ရမှတ်(၇)မှတ်နဲ့အတူ အုပ်စုအမှတ်ပေးဇယားရဲ့ အဆင့်(၁)နေရာနဲ့ နောက်တစ်ဆင့် တက်နိုင်ခဲ့တာပါ။
ဆွစ်ဇာလန်အသင်းနဲ့ပွဲစဉ်က အုပ်စုအဆင့်(၁)ရဖို့အတွက် အရေးကြီးတဲ့ ပွဲစဉ်ဖြစ်ခဲ့သလို ရှုံးပွဲမရှိအောင် ကစားနိုင်ခဲ့တာပါ။
ဂျာမနီအသင်း သရေကျဖို့အတွက် လိုအပ်နေတဲ့ချေပဂိုးကို သွင်းယူပေးခဲ့တာဖြစ်ပြီး ဂိုးသွင်းယူနိုင်ခဲ့တဲ့အတွက် ပျော်ရွှင်မိတယ်လို့ တိုက်စစ်မှူးဖူခရက်က ပြောကြားခဲ့ပါတယ်။
