(၂၀၂၄)ကိုပါအမေရိကဖလားပြိုင်ပွဲမှာ ဝင်ရောက်ကစားနေတဲ့ဥရုဂွေးအသင်းဟာ အသင်းရဲ့အုပ်စုအဖွင့်ပွဲစဉ် ဖြစ်တဲ့ ပနားမားအသင်းနဲ့ပွဲစဉ်မှာ (၃)ဂိုး၊ (၁)ဂိုးနဲ့ ဂိုးပြတ်အနိုင်ရခဲ့ပါတယ်။
ဥရုဂွေးအသင်းဟာ အခုပွဲစဉ်မှာ ခြေစွမ်းပြကစားနိုင်ခဲ့သလို နောက်ကျသွင်းဂိုးတွေနဲ့အတူ ဂိုးပြတ်နိုင်ပွဲတစ်ခုကို ဖော်ဆောင်နိုင်ခဲ့တာပါ။
ဥရုဂွေး အသင်းအတွက် ဦးဆောင်ဂိုးကို ပွဲအစ(၁၆)မိနစ်မှာတင် အာရူဂျိုက သွင်းယူပေးခဲ့ပေမယ့် ပနားမားအသင်းရဲ့ ကစားပုံကြောင့် သွင်းဂိုးတွေထပ်ရဖို့ အခက်တွေ့ခဲ့ရပါတယ်။
ဒါပေမယ့်လည်း တိုက်စစ်မှူးဒါဝင်နူးနက်ဇ်နဲ့ ဗီနာ တို့ရဲ့နောက်ကျသွင်းဂိုးတွေကြောင့် ဥရုဂွေးအသင်းက ဂိုးပြတ်အနိုင်ရခဲ့တာပါ။
ပနားမားအသင်းအတွက် တစ်လုံး တည်းသောချေပဂိုးကို မိနစ်(၉၀)ပြည့်လို့ အချိန်ပို(၄)မိနစ်မှာ မူရယ်လိုက သွင်းယူပေးခဲ့တာဖြစ်ပါတယ်။ ဥရုဂွေး အသင်းဟာ အခုပွဲစဉ်မှာ အနိုင်ရခဲ့တာကြောင့် အုပ်စုအတွင်းမှာ အဆင့်(၁)နေရာနဲ့ ရပ်တည်နိုင်ခဲ့ပါတယ်။
