အသင်းမှာ(၁၄)နှစ်ကြာ လုပ်ကိုင်ခဲ့တဲ့ နည်းပြတာဇစ်နဲ့ လမ်းခွဲခဲ့တဲ့ ဒေါ့မွန်အသင်းဟာ ကစားသမားဟောင်း နူရီဆာဟင်ကို နည်းပြသစ်အဖြစ် ခန့်အပ်လိုက်တယ်လို့ ဇွန်လ(၁၄)ရက်နေ့က တရားဝင် ကြေညာသွားခဲ့ပါတယ်။
နည်းပြတာဇစ်ဟာ ပြီးခဲ့တဲ့ရာသီက ဒေါ့မွန်အသင်းကို ချန်ပီယံလိဂ်ဖိုင်နယ်ရောက်အောင် ပို့ဆောင်ပေးခဲ့ပေမယ့် အသင်းနဲ့နှစ်ဦးသဘောတူ ဆွေးနွေးပြီးနောက်မှာတော့ လမ်းခွဲဖို့ ဆုံးဖြတ်ခဲ့တာပါ။
ဒေါ့မွန်အသင်းဟာ တာဇစ် ထွက်ခွာသွားခဲ့တာကြောင့် အသင်းရဲ့ကစားသမားဟောင်း တစ်ယောက်ဖြစ်သလို လက်ထောက်နည်းပြလည်း ဖြစ်တဲ့ ဆာဟင်ကို လာမယ့်ရာသီအတွက် နည်းပြသစ်အဖြစ် ခန့်အပ်ခဲ့တာဖြစ်ပါတယ်။
ကစားသမားဘဝကနေ အနားယူခဲ့ပြီးနောက် ဆာဟင်ဟာ (၂၀၂၄)ခုနှစ်၊ ဇန်နဝါရီလကစတင်ကာ ဒေါ့မွန်အသင်းရဲ့ လက်ထောက်နည်းပြ အဖြစ် လုပ်ကိုင်နေခဲ့တာဖြစ်ပါတယ်။ နည်းပြသစ်ဖြစ်လာခဲ့တဲ့ ဆာဟင်ဟာ ဒေါ့မွန်ကစားသမားဘဝမှာ ပြိုင်ပွဲစုံ (၂၇၄)ပွဲအထိ ကစားခဲ့ပြီး (၂၆)ဂိုးသွင်းယူကာ (၄၉)ဂိုး ဖန်တီးပေးနိုင်ခဲ့ပါတယ်။
