ယူရို(၂၀၂၄)ပြိုင်ပွဲရဲ့ အဖွင့်ပွဲစဉ်အဖြစ်ကစားခဲ့တဲ့ ဂျာမနီအသင်းနဲ့ စကော့တလန်အသင်းတို့ရဲ့ပွဲစဉ်မှာ အိမ်ရှင် ဂျာမနီအသင်းက ဂိုးပြတ်အနိုင်ရခဲ့ပါတယ်။
ဂျာမနီအသင်းဟာ စကော့တလန်အသင်းနဲ့ကစားခဲ့တဲ့ ယူရို(၂၀၂၄) အုပ်စုအဆင့်ပွဲစဉ်မှာ အသာစီးနဲ့ ကစားနိုင်ခဲ့သလို (၅)ဂိုး၊ (၁)ဂိုးရလဒ်နဲ့ ဂိုးပြတ်အနိုင်ရခဲ့တာပါ။
ဂျာမနီအသင်းဟာ အစောပိုင်းမိနစ်တွေမှာတင် ဦးဆောင်ဂိုးတွေရခဲ့သလို စကော့တလန်အသင်းက ပထမပိုင်းမှာတင် အနီကတ် ပြခံခဲ့ရတာကြောင့်လည်း ဂိုးပြတ်နိုင်ပွဲတစ်ခုကို ဖော်ဆောင်နိုင်ခဲ့တာဖြစ်ပါတယ်။
ဂျာမနီအသင်းဟာ အခုပွဲစဉ်မှာ အနိုင်ရခဲ့တာကြောင့် နောက်တစ်ဆင့်တက်ဖို့အတွက် နီးစပ်လာခဲ့ပြီဖြစ်သလို ပရိသတ်တွေကလည်း အခုပြိုင်ပွဲမှာ ဂျာမနီအသင်း ရလဒ်ကောင်းရလိမ့်မယ်လို့ မျှော်လင့်နေပါတယ်။
ဟန်ဂေရီ၊ ဆွစ်ဇာလန်၊ စကော့တလန်အသင်း တို့နဲ့ တစ်အုပ်စုတည်း ကျရောက်နေတဲ့ ဂျာမနီအသင်းဟာ အုပ်စုအဆင့်ပထမဆုံးပွဲစဉ်မှာ ဂိုးပြတ်အနိုင်ရခဲ့တာ ကြောင့် အမှတ်ပေးဇယားရဲ့ ထိပ်ဆုံးနေရာမှာ ရပ်တည်နေပါတယ်။
