မန်စီးတီးအသင်းရဲ့နည်းပြ ဂွာဒီယိုလာက ပြီးခဲ့တဲ့နွေရာသီအပြောင်းအရွှေ့မှာ အသင်းကနေထွက်ခွာဖို့နီးစပ်ခဲ့ပေမယ့် အီဒါဆင်ကိုဆက်ထိန်းထားနိုင်ခဲ့တဲ့အတွက် ပျော်ရွှင်မိတယ်လို့ အောက်တိုဘာလ(၆)ရက်နေ့မှာပြောကြားခဲ့ပါတယ်။
အီဒါဆင်ဟာ ပြီးခဲ့တဲ့နွေရာသီအပြောင်းအရွှေ့မှာ ဆော်ဒီကလပ်အသင်းတွေရဲ့ ချိတ်ဆက်မှုတွေကို ခံခဲ့ရပေမယ့်လည်း မန်စီးတီးအသင်းမှာပဲ ဆက်နေဖို့ ဆုံးဖြတ်ခဲ့တာပါ။ အီဒါဆင်အနေနဲ့ ဆော်ဒီကလပ်အသင်းတွေကို ပြောင်းရွှေ့မယ်လို့ သတင်းတွေထွက်ပေါ်ခဲ့ပေမယ့်လည်း ကမ်းလှမ်းမှုတွေက အသင်းဆီကိုအမှန်တကယ်ရောက်မလာခဲ့တာကြောင့် အသင်းမှာဆက်ရှိနေတာဖြစ်တယ်လို့ နည်းပြဂွာဒီယိုလာကဖြေရှင်းသွားခဲ့ပါတယ်။
အီဒါဆင်က အသင်းအတွက်အရေးပါတဲ့ အဓိကဂိုးသမားတစ်ယောက်ဖြစ်သလို အခုလိုမျိုးအသင်းမှာ ဆက်ထိန်းထားနိုင်ခဲ့တဲ့အတွက် ပျော်ရွှင်မိတယ်လို့လည်း နည်းပြဂွာဒီယိုလာကဆက်လက်ပြောကြားခဲ့ပါတယ်။ (၂၀၁၇)ခုနှစ်မှာဘင်ဖီကာအသင်းကနေ မန်စီးတီးအသင်းကို ပြောင်းရွှေ့လာခဲ့တဲ့အီဒါဆင်ဟာ မန်စီးတီးအသင်းအတွက် ပြိုင်ပွဲစုံ(၃၄၁)အထိ ကစားပေးခဲ့သူတစ်ယောက်ဖြစ်ပါတယ်။
