စပါးအသင်းရဲ့နည်းပြအန်ဂျီက ဘရိုက်တန်အသင်းနဲ့ကစားခဲ့တဲ့ ပရီးမီးယားလိဂ်ပွဲစဉ်မှာ ရှုံးနိမ့်ခဲ့ရတဲ့အတွက် စိတ်ပျက်မိတယ်လို့ ပွဲအပြီးအင်တာဗျူးမှာပြောကြားခဲ့ပါတယ်။
စပါးအသင်းဟာ ဘရိုက်တန်အသင်းနဲ့ပွဲစဉ်မှာ ဦးဆောင်ဂိုး(၂)ဂိုး အရင်သွင်းယူနိုင်ခဲ့ပေမယ့် ပွဲအပြီးမှာ (၃)ဂိုး၊ (၂)ဂိုးနဲ့ ရှုံးနိမ့်ခဲ့ရတာပါ။ ပထမပိုင်းမှာတင် (၂)ဂိုးပြတ်အနိုင်ရခဲ့ပေမယ့် အခုလိုမျိုး ရှုံးနိမ့်ခဲ့ရတာက လက်ခံနိုင်စရာမရှိဘဲ စိတ်ပျက်မိတယ်လို့ နည်းပြအန်ဂျီကပြောကြားခဲ့ပါတယ်။
အနိုင်ရဖို့ အခွင့်အရေးများခဲ့ပေမယ့် ဒုတိယပိုင်းမှာကစားခဲ့တဲ့ အသင်းရဲ့ကစားပုံက စိတ်ပျက်စရာကောင်းလွန်းတယ်လို့လည်းနည်းပြအန်ဂျီကဆက်လက်ပြောကြားခဲ့ပါတယ်။
စပါးအသင်းဟာ အခုပွဲစဉ်မှာရှုံးနိမ့်ခဲ့တာကြောင့် ပရီးမီးယားလိဂ်(၇)ပွဲကစားပြီးချိန်မှာ (၃)ပွဲနိုင်၊(၁)ပွဲသရေ၊ (၃)ပွဲရှုံး၊ရမှတ်(၁၀)မှတ်နဲ့အတူ အမှတ်ပေးဇယားရဲ့အဆင့်(၉)နေရာမှာသာ ရပ်တည်နေခဲ့ပါတယ်။
