၂၀၂၄ ကလစ်ဖ်ဒိုင်ဗင် ကမ္ဘာ့စီးရီးရဲ့ ပွဲစဉ်တစ်ပွဲဖြစ်တဲ့ တူကီယဲ ကလစ်ဖ်ဒိုင်ဗင်ပွဲစဉ်ကို တူကီယဲနိုင်ငံ အန်တယ်ယာမြို့မှာ ကျင်းပခဲ့ရာ ဩစတြေးလျနိုင်ငံသူ အစ်ဖ်လန်းနဲ့ ဗြိတိန်နိုင်ငံသား ဟက်စ်လော့တို့ ချန်ပီယံဆုတွေကို ရယူသွားခဲ့ကြပါတယ်။
အမြင့် ၂၁ မီတာရှိ ဒိုင်ဗင်စင်ပေါ်ကနေခုန်ရတဲ့ အမျိုးသမီးဒိုင်ဗင်ပြိုင်ပွဲမှာ အစ်ဖ်လန်းက အကောင်းဆုံးစွမ်းဆောင်ရည်နဲ့အတူ ဒိုင်လူကြီးပေးတဲ့ ရမှတ်တွေကို ရယူနိုင်ခဲ့ပါတယ်။
အခုပွဲစဉ်မှာ အနိုင်ရခဲ့ တဲ့အတွက် အစ်ဖ်လန်းဟာ ၂၀၂၄ ကလစ်ဖ်ဒိုင်ဗင် ကမ္ဘာ့စီးရီးပြီးဆုံးဖို့ တစ်ပွဲသာလိုတော့ချိန်မှာ ချန်ပီယံဆုရဖို့ သေချာသွားခဲ့ပြီး အစ်ဖ်လန်းအတွက်တော့ ကမ္ဘာ့ချန်ပီယံဆုကို ၈ ကြိမ်ဆက်ရယူနိုင်တာလည်းဖြစ်ပါတယ်။
အမြင့် ၂၇ မီတာရှိ ဒိုင်ဗင်စင်ပေါ်ကနေခုန်ရတဲ့ အမျိုးသားပြိုင်ပွဲကတော့ အကြိတ်အနယ်ရှိခဲ့ပြီး ကမ္ဘာ့ချန်ပီယံဆုအတွက် ထိပ်ဆုံးမှာရပ်တည်နေတဲ့ ဟက်စ်လော့ကပဲ နိုင်ပွဲကို ရရှိသွားခဲ့ပါတယ်။
ယူကရိန်းနိုင်ငံသား ပရီဂိုရော့ဗ်က ဒုတိယ ရခဲ့ပြီး အခုနှစ်မှ ကလစ်ဖ်ဒိုင်ဗင်ပြိုင်ပွဲကို စပြိုင်တဲ့ အီတလီနိုင်ငံသား ဘာနာဘာက တတိယ ရခဲ့ပါတယ်။
ဘာလီဘာအတွက်တော့ သူ့ရဲ့ကစားသမားဘဝ ကလစ်ဖ်ဒိုင်ဗင်ပြိုင်ပွဲရဲ့ ထိပ်ဆုံး ၃ ဦးနေရာအတွင်း ပထမဆုံး အကြိမ် ရပ်တည်နိုင်ခဲ့တာလည်း ဖြစ်ပါတယ်။
