ဩဂုတ်လ(၁၉)ရက်နေ့ ညက ကစားခဲ့တဲ့ လက်စတာအသင်းနဲ့စပါးအသင်းတို့ရဲ့ ပရီးမီးယားလိဂ်ပွဲစဉ်မှာ တစ်ဖက် (၁)ဂိုးစီသရေရလဒ်နဲ့ ပွဲပြီးဆုံးခဲ့ပါတယ်။
ပြီးခဲ့တဲ့ရာသီက ချန်ပီယံရှစ်ပြိုင်ပွဲမှာ ချန်ပီယံဖြစ်လာခဲ့ပြီးနောက် ပရီးမီးယားလိဂ်ပြိုင်ပွဲကို တန်းတက်ခွင့်ရခဲ့တဲ့ လက်စတာအသင်းဟာ စပါးအသင်းနဲ့အဖွင့်ပွဲစဉ်မှာ အကောင်းဆုံး စွမ်းဆောင်ပြနိုင်ခဲ့ပြီး သရေကျအောင် ကစားနိုင်ခဲ့တာပါ။
အခုပွဲစဉ်ရဲ့အဖွင့်ဂိုးကို စပါးအသင်းက အရင်ဆုံး သွင်းခဲ့တာဖြစ်ပြီး ပွဲချိန်(၂၉)မိနစ်မှာ မက်ဒီဆင်ရဲ့ပေးပို့မှုကို ပတ်ဒရိုပေါ်ရိုက ခေါင်းတိုက်သွင်းခဲ့တာ ဖြစ်ပါတယ်။
လက်စတာအသင်းအတွက် ချေပဂိုးကို ပွဲချိန်(၅၇)မိနစ်မှာ တိုက်စစ်မှူး ဗာဒီက ဖာတာဝူရဲ့ပေးပို့မှုကို သွင်းယူခဲ့ တာ ဖြစ်ပါတယ်။
စပါးအသင်းဟာ အခုပွဲစဉ်မှာ သရေကျခဲ့တာကြောင့် ရမှတ်(၁)မှတ်နဲ့အတူ ပရီးမီးယားလိဂ် အမှတ်ပေးဇယားရဲ့ အဆင့်(၁၂)နေရာမှာ ရပ်တည်နေပြီး လက်စတာအသင်းက အဆင့်(၁၀)နေရာမှာ ရပ်တည်နိုင် ခဲ့ပါတယ်။
