၃ နှစ်နီးပါးအကြာမှာ ပထမဆုံး အေတီပီတိုးနိုင်ပွဲ ပြန်ရခဲ့တဲ့ ဩစတြေးလျနိုင်ငံသား ကာဂျီယော့စ်က တင်းနစ် ပြန်ကစားနိုင်လိမ့်မယ်လိုတောင် မျှော်လင့်မထားခဲ့ဘူးလို ဝန်ခံသွားခဲ့ပါတယ်။မိုင်ယာမီအိုးပင်းတင်းနစ် ပထမ အဆင့်မှာ ပြိုင်ဘက် မက်ဒေါ်နယ်ကို အနိုင်ရခဲ့ပြီးနောက်မှာ အသက် ၂၉ နှစ်အရွယ် ကာဂျီယော့စ်က ပြောသွားခဲ့ တာပါ။ အခုနှစ် အင်ဒီးယန်းဝဲလ်ပြိုင်ပွဲမှာ ပထမအဆင့်ကနေပဲ ထွက်ခဲ့ရတဲ့ ကာဂျီယော့စ်ဟာ ပြီးခဲ့တဲ့ ၂ နှစ်တာ ကာလအတွင်း ညာဘက်လက်ကောက်ဝတ်ဒဏ်ရာ ခွဲစိတ်ကုသခဲ့ရမှုနဲ့အတူ ရုန်းကန်နေခဲ့ရတာ ဖြစ်ပါတယ်။ ဒါ့အပြင် ဒူးနဲ့ ခြေဖဝါးဒဏ်ရာတွေကိုလည်း ရခဲ့သေးတာဖြစ်ပါတယ်။
နှစ်အကြာကြီးနေမှရတဲ့ နိုင်ပွဲရဲ့ အရသာကို ဖော်ပြဖိုအတွက် စကားလုံးတောင်မရှိသလို အမှန်အတိုင်းပြောရရင် တင်းနစ်ပြန်ကစားနိုင်ဖိုတောင် မျှော်လင့် မထားခဲ့ပါဘူးလို ကာဂျီယော့စ်က ပြောသွားခဲ့ပါတယ်။ ကာဂျီယော့စ်ဟာ မိုင်ယာမီအိုးပင်း ဒုတိယအဆင့်မှာတော့ ဆီဒင်အဆင့် ၂၂ ရထားတဲ့ ရုရှားတင်းနစ်သမား ကာချာနော့ဗ်နဲ့ ဆက်လက်ယှဉ်ပြိုင်ရမှာ ဖြစ်ပါတယ်။
