အခုနှစ် ဖော်မြူလာဝမ်းရာသီ ဂရင်းပရီ ပွဲစဉ် ၂ခု ယှဉ်ပြိုင်အပြီး ချန်ပီယံအမှတ်ပေးဇယားမှာ မက္ကလာရင် အသင်း ဖော် ပီယက်စ်ထရီနဲ့ အပြိုင်အဆိုင်ဖြစ်နေတဲ့အတွက် စိတ်လှုပ်ရှားမိတယ်လို ဗြိတိန်ဒရိုင်ဗာ နောရစ်က ပြောသွား ခဲ့ပါတယ်။ ပြီးခဲ့တဲ့တစ်ပတ်က ယှဉ်ပြိုင်ခဲ့တဲ့ ဩစတြေးလျ ဂရင်းပရီမှာ နောရစ် အနိုင်ရခဲ့သလို အခုတစ်ပတ် ယှဉ်ပြိုင်ခဲ့တဲ့ တရုတ်ဂရင်းပရီမှာ မက္ကလာရင်အသင်းဖော် ပီယက်စ်ထရီ အနိုင်ရခဲ့ပြီးနောက် ချန်ပီယံဆု အမှတ် ပေးဇယားမှာ မက္ကလာရင်အသင်းဒရိုင်ဗာ ၂ ယောက် ပြိုင်ဆိုင်မှုက အကြိတ်အနယ် ရှိလာခဲ့တာ ဖြစ်ပါတယ်။
လက်ရှိမှာတော့ နောရစ်က ပီယက်စ်ထရီကို ၁၀ မှတ်အသာ ရထားသေးတယ်ဆိုပေမယ့် လာမယ့် ပွဲစဉ်တွေမှာ ပီယက်စ်ထရီအနေနဲ့ နောရစ်ကို အနီးကပ် ခြိမ်းခြောက်လာနိုင်တယ်လို ခန့်မှန်းမှုတွေ ထွက်ပေါ်နေပါတယ်။ အသင်းဘက်က ဒရိုင်ဗာ ၂ ယောက်စလုံးကို ထိန်းချုပ်ထားတာမျိုး မရှိသလို လွတ်လွတ် လပ်လပ် ယှဉ်ပြိုင်ခွင့် ပေးထားတဲ့အတွက် လာမယ့်ပွဲတွေက စိတ်လှုပ်ရှားစရာ ပိုကောင်းလာပါလိမ့်မယ်လို နောရစ်က ပြောသွားခဲ့ပါ တယ်။ တနင်္ဂနွေနေ့က ယှဉ်ပြိုင်ခဲ့တဲ့ တရုတ်ဂရင်းပရီ ပြိုင်ပွဲမှာ မက္ကလာရင်အသင်း ဒရိုင်ဗာတွေ ဖြစ်ကြတဲ့ ပီယက်စ်ထရီနဲ့ နောရစ်တိုက ပထမနဲ့ ဒုတိယနေရာတွေရခဲ့ပြီး မာစီးဒီးစ်အသင်းဒရိုင်ဗာ ရပ်ဆဲလ်က တတိယ ရရှိခဲ့ပါတယ်။
