ပရီးမီးယားလိဂ်ဘောလုံးအဖွဲ့ချုပ်ဟာ ဩဂုတ်လအတွက် တစ်လတာအကောင်းဆုံးဆုတွေကို စက်တင်ဘာလ (၁၃)ရက်နေ့က တရားဝင်ကြေညာသွားခဲ့ပါတယ်။
ပရီးမီးယားလိဂ်ပွဲစဉ်တွေကို ပြီးခဲ့တဲ့ဩဂုတ်လ(၁၇)ရက်က စတင်ကျင်းပခဲ့တာဖြစ်ပြီး ဒါက အခုရာသီရဲ့ ပထမဆုံး တစ်လတာအကောင်းဆုံးဆု ပေးအပ်တာလည်း ဖြစ်ပါတယ်။
ပရီးမီးယားလိဂ်ရဲ့ တစ်လတာအကောင်းဆုံး ကစားသမားဆုကို မန်စီးတီးအသင်းရဲ့ နော်ဝေတိုက်စစ်မှူး ဟာလန်းက ရရှိခဲ့တာပါ။
ဟာလန်းဟာ ဩဂုတ်လအတွင်းကစားခဲ့တဲ့ ပရီးမီးယားလိဂ်ပွဲစဉ် (၃)ပွဲမှာ ချယ်လ်ဆီး၊ အစ်ပ်ဆွစ်၊ ဝက်စ်ဟမ်းအသင်းတို့နဲ့ ကစားခဲ့ရပေမယ့်လည်း (၇)ဂိုးအထိ သွင်းယူနိုင်ခဲ့သလို ခြေစွမ်းပြလည်းနိုင်ခဲ့တာဖြစ်ပါတယ်။
ဩဂုတ်လအတွက် ပရီးမီးယားလိဂ် တစ်လတာအကောင်းဆုံးနည်းပြဆုကို ဘရိုက်တန် အသင်းနဲ့အတူ ရလဒ်ကောင်းတွေရရှိအောင် လုပ်ဆောင်ပေးခဲ့တဲ့ နည်းပြဟာဇီလာက ရရှိခဲ့ပါတယ်။
ဘရိုက်တန် အသင်းဟာ ဩဂုတ်လအတွင်းကစားခဲ့တဲ့ ပရီးမီးယားလိဂ်ပွဲစဉ်(၃)ပွဲမှာ (၂)ပွဲနိုင်၊ (၁)ပွဲသရေနဲ့ ရှုံးပွဲ မရှိအောင် ကစားနိုင်ခဲ့ပါတယ်။
