မန်စီးတီးအနေနဲ့ ချန်ပီယံလိဂ်မှာ နောက်တစ်ဆင့်တက်ဖို့အတွက် နောက်ဆုံးအခွင့်အရေးအဖြစ် ဘရုဂျက်အသင်း ကို အနိုင်ယူဖို့ လိုအပ်တယ်လို့ မန်စီးတီးနည်းပြ ဂွါဒီယိုလာက သူ့အသင်းသားတွေကို သတိပေးလိုက်ပါတယ်။ ဗုဒ္ဓဟူး ညက ကစားခဲ့တဲ့ ချန်ပီယံလိဂ်ပွဲစဉ်မှာ မန်စီးတီးအသင်းဟာ ပီအက်စ်ဂျီအသင်းကို အဝေးကွင်းမှာ ရှုံးနိမ့်ခဲ့ တာဖြစ်ပြီး ချန်ပီယံလိဂ် အမှတ်ပေးဇယားရပ်တည်မှုမှာ အဆင့် ၂၅ အထိ ကျဆင်းသွားခဲ့ရပါတယ်။

မန်စီးတီး အသင်းဟာ အဝေးကွင်းမှာ ပီအက်စ်ဂျီအသင်းကို ၂ ဂိုးပြတ်နဲ့ ဦးဆောင်နိုင်ခဲ့ပေမယ့် ဒုတိယပိုင်းမှာ ဂိုးတွေပြန်ပေး ခဲ့ရပြီး အရေးနိမ့်ခဲ့ရတာဖြစ်ပါတယ်။ မန်စီးတီးအသင်းဟာ ချန်ပီယံလိဂ် ပွဲစဉ်(၈)အဖြစ် ဘယ်လ်ဂျီယံကလပ် ဘရုဂျက်အသင်းကို အိမ်ကွင်းမှာ လက်ခံကစားရမှာဖြစ်ပြီး ဘရုဂျက်အသင်းက အမှတ်ပေးဇယားရပ်တည်မှု အဆင့် ၂၀ မှာ ရပ်တည်နေတာဖြစ်လို့ မန်စီးတီးအသင်း အနိုင်ရမှသာ ရှုံးထွက်အဆင့်တက်ရောက်ခွင့်ကို မျှော်လင့် ချက် ရှိမှာဖြစ်ပါတယ်။

မန်စီးတီးအတွက် နောက်ဆုံးအခွင့်အရေးအဖြစ် ဘရုဂျက်အသင်းကို အနိုင်ယူဖို့ဖြစ်ပြီး နောက်တစ်ဆင့်တက်ခွင့်နဲ့ ထိုက်တန်တယ်ဆိုတာကို သက်သေပြနိုင်ဖို့ ကြိုးစားသွားရမှာဖြစ်တယ်လို့ ပီအက်စ်ဂျီ အသင်းနဲ့ပွဲအပြီးမှာ ဂွါဒီယိုလာက ပြောသွားခဲ့ပါတယ်။ အခုရှုံးပွဲက မန်စီးတီးအတွက် ချန်ပီယံလိဂ်အဝေးကွင်း နောက်ဆုံး ၃ ပွဲဆက် ရှုံးနိမ့်မှုဖြစ်ခဲ့ပြီး အခုထက်ပိုကောင်းအောင်ကြိုးစားရမယ်လို့လည်း ဂွါဒီယိုလာက ပြောသွား ခဲ့ပါတယ်။