မေဂျာလိဂ်ကလပ် အင်တာမိုင်ယာမီအသင်းဟာ ကစားသမားဘဝ ၄၅ ခုမြောက်ချန်ပီယံဆုအဖြစ် ကိုပါအမေရိက ချန်ပီယံဖြစ်ခဲ့တဲ့ တိုက်စစ်မှူး မက်ဆီကို အခမ်းအနားနဲ့ဂုဏ်ပြုခဲ့ပါတယ်။
ချီကာဂိုဖိုင်းယားအသင်းနဲ့ ကစားခဲ့တဲ့ မေဂျာလိဂ်ပွဲမတိုင်ခင်မှာ မက်ဆီဂုဏ်ပြုပွဲကို ခမ်းခမ်းနားနားပြုလုပ်ပေးခဲ့တာဖြစ်ပြီး အင်တာမိုင်ယာမီအသင်းပိုင်ရှင် ဂျော့ချ်မက်စ်က အမှတ်တရလက်ဆောင်ကို မက်ဆီထံပေးအပ်ခဲ့ပါတယ်။
အင်တာမိုင်ယာမီ အသင်းရဲ့ တိုက်စစ်မှူး မက်ဆီဟာ အခုလအစောပိုင်းက အာဂျင်တီးနားအသင်းနဲ့အတူ ကိုပါအမေရိက ချန်ပီယံဆုကိုရရှိခဲ့တာဖြစ်ပြီး အင်တာမိုင်ယာမီအသင်းကတော့ မက်ဆီဟာ ဘောလုံးသမိုင်းရဲ့ အအောင်မြင်ဆုံး ကစားသမား ဖြစ်တယ်လို့ ကြေညာချက်မှာ ရေးသားထားပါတယ်။
လက်ရှိအချိန်မှာ မက်ဆီဟာ ကလပ်အသင်း အင်တာမိုင် ယာမီကို ပြန်ရောက်လာပြီဖြစ်ပေမယ့် ကိုပါအမေရိက ဗိုလ်လုပွဲမှာရခဲ့တဲ့ ဒဏ်ရာကြောင့် ကာလ အနည်းငယ် အနားယူရဖွယ်ရှိနေပါတယ်။
အင်တာမိုင်ယာမီအသင်းဟာ အခုရာသီမေဂျာလိဂ်မှာ ပုံစံကောင်းရနေပြီး ၂၅ ပွဲ ကစားပြီးချိန်မှာ ရမှတ် ၅၃ မှတ်နဲ့ အမှတ်ပေးဇယားထိပ်ဆုံးမှာ ဦးဆောင်နေပါတယ်။
