ဩစတြေးလျအိုးပင်းပြိုင်ပွဲကို လက်ရည်စစ်ပွဲအဆင့်ကစပြီး ဝင်ရောက်ယှဉ်ပြိုင်ခွင့်ရထားတဲ့ ကမ္ဘာ့အဆင့်-၁ ဟောင်း ရိုမေးနီးယားတင်းနစ်မယ် ဟာလပ် ဟာ ဒဏ်ရာပြဿနာကြောင့် ပြိုင်ပွဲဝင်ပြိုင်နိုင်တော့မှာ မဟုတ်ဘူးလို့ သိရပါတယ်။

အသက် ၃၃ နှစ်အရွယ် ဟာလပ် ဟာ တားမြစ်ဆေး စစ်ဆေးမှုမှာ ဆေးကျခဲ့ပြီးနောက် ၉ လပွဲပယ် ပြစ်ဒဏ် ချမှန်ခံခဲ့ရပြီး အခုနှစ် မတ်လမှာ ပွဲပယ်ပြစ်ဒဏ်ပြည့်ခဲ့တာပါ။ပြီးခဲ့တဲ့တစ်ပတ်က ဟာလပ်ကို လက်ရည် စစ်ပွဲကနေတစ်ဆင့် ဝင်ခွင့်ပြုမှာဖြစ်တယ်လို့ ဩစတြေးလျအိုးပင်း ပြိုင်ပွဲကျင်းပရေးအဖွဲ့က ကြေညာခဲ့တာ ဖြစ်ပါတယ်။ ဒါပေမဲ့ ဒူနဲ့ ပခုံး ဒဏ်ရာတွေကြောင့် ဟာလပ်အနေနဲ့ ဩစတြေးလျအိုးပင်းပြိုင်ပွဲကို ဝင်ပြိုင်နိုင် တော့မှာမဟုတ်ဘူးလို့ ဒီဇင်ဘာ ၂၆ ရက်နေ့မှာ အတည်ပြုခဲ့ပါတယ်။

ပွဲပယ်ပြစ်ဒဏ်ကနေ လွတ်မြောက်လာချိန် မှာ မိမိကိုယ်ကို ပြန်လည်တည်ဆောက်နိုင်ဖို့အတွက် ကြိုးစားသွားမှာဖြစ်ပြီး ဩစတြေးလျအိုးပင်းနဲ့ လွဲချော်ခဲ့ ရတဲ့အတွက် စိတ်ပျက်မိပါတယ်လို့ ဟာလပ်က သူမရဲ့ အင်စတာဂရမ်အကောင့်မှာ ရေးသားထားပါတယ်။ကမ္ဘာ့အဆင့်-၈၇၇ အထိ ကျဆင်းသွားခဲ့တဲ့ ဟာလပ်က လာမယ့်တင်းနစ်ရာသီမှာ နိုင်ပွဲတွေရဖို့ မျှော်လင့်ထား တယ်လို့ ပြောကြားထားပါတယ်။