ခရစ္စမတ်ညစာစားပွဲအတွက် ချက်ပြုတ်ရင်း လက်မှာဒဏ်ရာရခဲ့တဲ့အတွက် ကမ္ဘာ့အဆင့် ၁ အမေရိကန်ဂေါ့ဖ်သမား ရှက်ဖလာဟာ ရာသီအစ ပီဂျီအေတိုး ပွဲစဉ်တွေကို လွဲချော်တော့မှာဖြစ်ပါတယ်။
အသက် ၂၈ နှစ်အရွယ် ရှက်ဖလာဟာ နောက်တစ်ပတ်ထဲ စတင်ကျင်းပမာ့် The Sentry ပြိုင်ပွဲကနေ နုတ်ထွက်ထားပါတယ်။ ဒါ့အပြင် ရှက်ဖလာဟာ ဆိုနီအိုးပင်းကိုလည်း ထပ်ပြီး လွဲချော်ဖွယ်ရှိနေပြီး ဇန်နဝါရီလလယ်မှာ ကျင်းပမယ့် American Express ချန်ပီယံရှစ် ပြိုင်ပွဲမှာ ပြန်လည်ကစားနိုင်ဖွယ်ရှိနေပါတယ်။
ရှက်ဖလာရဲ့ ထုတ်ပြန်ချက်ထဲမှာ ညစာစားပွဲအတွက်ပြင်ဆင်ရင်း လက်က ဖန်ကွဲစနဲ့ ခိုက်မိခဲ့ပြီး ခွဲစိတ်ခဲ့ရသလို ရာနှုန်းပြည့် ကောင်းဖို့အတွက် ၃၊၄ ပတ်ခန့် အနားယူဖို့ လိုအပ်တယ်လို့ ရေးသား ထားပါတယ်။
ရှက်ဖလာဟာ ပီဂျီအေတိုး တစ်နှစ်တာအကောင်းဆုံး ကစားသမား ဆုကို ၃ နှစ်ဆက်တိုက်ရရှိထားတာဖြစ် ပါတယ်။
