ရန်ကုန်မြို့ကို ရောက်ရှိနေတဲ့ Songshan ရှောင်လင်ဘုန်းတော်ကြီးအဖွဲ့ဟာ ဇန်နဝါရီ ၂၃ ရက်၊ ညပိုင်းက ရွှေတိဂုံစေတီတော်မြတ်ကြီးကို သွားရောက်ဖူးမြော်ခဲ့တယ်လို့ သိရပါတယ်။
ရှောင်လင်ဘုန်းတော်ကြီးအဖွဲ့ဟာ ရွှေတိဂုံစေတီတော် မြောက်ဘက်မုခ်ကနေ တက်ရောက်ပြီး ပထမဦးစွာ အောင်မြေကို သွားရောက်ကာ စေတီတော်ကြီးကို ဖူးမြော်ကြည်ညိုခဲ့ကြပါတယ်။ အဲဒီနောက်မှာတော့ ရွှေတိဂုံစေတီတော်ကို လက်ယာရစ် လှည့်လည်ပူဇော်ပြီး စေတီတော်ရင်ပြင် အရပ် လေးမျက်နှာမှာရှိတဲ့ တန်ဆောင်းတွေက ဗုဒ္ဓရုပ်ပွားတော် မြတ်တွေကို ဖူးမြော်ကြည်ညိုခဲ့ကြတယ်လို့ သိရပါတယ်။
