မန္တလေးငလျင်ကြီးကြောင့် ရှမ်းပြည်နယ်(တောင်ပိုင်း)၊ ညောင်ရွှေမြို့နယ်၊ အင်းလေးဒေသမှာ လျှပ်စစ်ဓာတ်အား လိုင်း ထိခိုက်ပျက်စီးမှု ရှိခဲ့ပြီး ဇွန်လအတွင်းမှာ လျှပ်စစ်ဓာတ်အားလိုင်းတွေ ပြန်လည်ရရှိပြီ ဖြစ်တယ်လို့ ရှမ်းပြည်နယ်(တောင်ပိုင်း) လျှပ်စစ်ဓာတ်အား ဖြန့်ဖြူးရေးလုပ်ငန်းကနေ သိရပါတယ်။
အင်းလေးဒေသမှာ ငလျင်ကြောင့် လျှပ်စစ်ဓာတ်အားလိုင်း၊ ထရန်စဖော်မာနဲ့ ဆက်စပ်ပစ္စည်းတွေ ပျက်စီးခဲ့ရပြီး ကျေးရွာပေါင်း (၃၂၁)ရွာမှာ လျှပ်စစ်မီး ယာယီပြတ်တောက်ခဲ့ရတာပါ။ လျှပ်စစ်မီး ရရှိဖို့အတွက် လျှပ်စစ်အင်ဂျင်နီယာရုံးတွေက ကျွမ်းကျင်ဝန်ထမ်းတွေနဲ့ ပြန်လည် ပြုပြင်ရေးလုပ်ငန်း တွေကို ဆောင်ရွက်ခဲ့ကြတာ ဖြစ်ပါတယ်။အခုအချိန်မှာ လျှပ်စစ်မီး ယာယီပြတ်တောက်ခဲ့တဲ့ ကျေးရွာတွေက အားလုံးနီးပါ ပုံမှန်ဖြန့်ဖြူးပေးနေပြီး ကျန် ရှိနေတဲ့ ကျေးရွာတွေကို ဓာတ်အားပြန်လည် ဖြန့်ဖြူးပေးနေတယ်လို့ ရှမ်းပြည်နယ်(တောင်ပိုင်း) လျှပ်စစ် ဓာတ်အားဖြန့်ဖြူးရေးလုပ်ငန်းက ဒုတိယအင်ဂျင်နီယာချုပ် ဦးဇော်မင်းထွန်းက ပြောပါတယ်။
ဓာတ်အားပြတ်တောက်ခဲ့တဲ့ ကျေးရွာပေါင်း (၃၂၁)ရွာမှာ ကျေးရွာ(၃၁၉) ရွာကို လျှပ်စစ်ဓာတ်အားပြန်လည် ဖြန့်ဖြူးပေးနိုင်ခဲ့ပြီး ကျန်ရှိနေတဲ့ကျေးရွာတွေကိုလည်း ဇွန်လကုန်မှာ ရာနှုန်းပြည့် ပြီးစီးအောင် ဆောင်ရွက် သွားမှာ ဖြစ်တယ်လို့ ရှမ်းပြည်နယ်(တောင်ပိုင်း)လျှပ်စစ်ဓါတ်အားဖြန့်ဖြူးရေးလုပ်ငန်းကနေ သိရပါတယ်။
