မွန်ပြည်နယ်၊ ကျိုက်ထိုမြို့နယ်မှာ ဇူလိုင်လ ၈ ရက် ညနေပိုင်းက ငွေကျပ် ၁ ဘီလီယံကျော်တန်ဖိုးရှိတဲ့ မူးယစ်ဆေးဝါးတွေ ဖမ်းဆီးရမိခဲ့တယ်လို့ မြန်မာနိုင်ငံ မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများအန္တရာယ် တားဆီးကာကွယ်ရေးဗဟိုအဖွဲ့က ဇူလိုင် ၁၆ ရက်မှာ ထုတ်ပြန်ပါတယ်။
လုံခြုံရေးတပ်ဖွဲ့ဝင်တွေ ပါဝင်တဲ့ ပူးပေါင်းအဖွဲ့ဟာ ဇူလိုင်လ ၈ ရက် ညနေ ၆ နာရီအချိန်လောက်က ကျိုက်ထို မြို့နယ်၊ မရမ်းချောင်ကျေးရွာအနီးမှာ မန္တလေးကနေ မြဝတီမြို့ကို အမျိုးသားတစ်ယောက်မောင်းနှင်ပြီး လူ ၃ ယောက်လိုက်ပါလာတဲ့ မော်တော်ယာဉ်ကို သတင်းအရ ရှာဖွေခဲ့တယ်လို့ ဆိုပါတယ်၊၊အဲဒီလိုရာဖွေရာ ယာဉ်ပေါ်မှာ သယ်ဆောင်လာတဲ့ ငွေကျပ် ၁ ဒသမ ၂,၈၃၆ ဘီလီယံတန်ဖိုးရှိ ဘိန်းဆီခဲ ၁၉ ဒသမ ၅ ကီလို၊ စိတ်ပြောင်းဆေးဝါး ၂၂ ဒသမ ၆ ကီလို၊ အိုက်စ်(မက်သ်အဖက်တမင်း) ၁ ဒသမ ၇ ကီလို၊ ကတ်တမင်း ၁၄ ကီလိုနဲ့ စိတ်ကြွရူးသွပ်ဆေးပြား ၃၆,၀၀၀ တို့ကို ဖမ်းဆီးရမိခဲ့ပါတယ်၊၊
စစ်ဆေးဖော်ထုတ်ချက်အရ ဖမ်းဆီးရမိ တဲ့ မူးယစ်ဆေးဝါးတွေကို ရှမ်းပြည်နယ်(အရှေ့ပိုင်း)မိုင်းရယ်မြို့ကနေ ကရင်ပြည်နယ်၊ မြဝတီမြို့ကို ပို့ဆောင် ရောင်းချမှာ ဖြစ်တယ်လို့ သိရပါတယ်၊၊ဒါ့အပြင် ဖမ်းဆီးရမိသူတွေကို မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာဥပဒေအရ အရေးယူထားပြီး ကွင်းဆက်ပြစ်မှုကျူးလွန်သူတွေကို ဆက်လက်စစ်ဆေး ဖော်ထုတ်နေတယ်လို့ သိရပါတယ်၊၊
