တနင်္သာရီတိုင်းဒေသကြီး၊ ကော့သောင်းမြို့နယ်မှာ ဇွန်လ ၂၅ ရက် မနက်ပိုင်းက မိုးသည်းထန်စွာရွာသွန်းမှု ကြောင့် မြေပြိုမှုဖြစ်ပွားခဲ့ပြီး အဲဒီဖြစ် စဉ်အတွင်း အမျိုးသမီးတစ်ယောက် သေဆုံးခဲ့တယ်လို့ မြန်မာနိုင်ငံ မီးသတ်တပ်ဖွဲ့ကနေ သိရပါတယ်၊၊
ဖြစ်စဉ်မှာ ဇွန်လ ၂၅ ရက် မနက် ၁၀ နာရီခွဲအချိန်လောက်က ကော့သောင်းမြို့နယ်၊ အေးမြကန်သာရပ်ကွက်၊ မနော်ဟရီ(၆)လမ်းက နေအိမ်တစ်အိမ်ရဲ့ အနောက်ဘက်ခြမ်းမှာ မြေပြိုကျမှု ဖြစ်ပွားခဲ့တယ်လို့ ဆိုပါတယ်၊၊
အခင်းဖြစ်နေရာကို ကော့သောင်းခရိုင်မီးသတ်စခန်းက မီးသတ်တပ်ဖွဲ့ဝင်တွေဟာ ရှာဖွေကယ်ဆယ်ရေး တပ်ဖွဲ့ ဝင်တွေ၊ နာရေးကူညီမှုအသင်းအဖွဲ့ဝင်တွေနဲ့အတူ ရှာဖွေကယ်ဆယ်ရေးလုပ်ငန်းတွေ သွားရောက် ဆောင်ရွက်ခဲ့ တယ်လို့ သိရပါတယ်၊၊ မြေပြိုမှုကြောင့် အမျိုးသမီးတစ်ယောက်သေဆုံးခဲ့ပြီး သေဆုံးသူရုပ်အလောင်းကို ရွှေအဏ္ဏဝါ နာရေးကူညီမှုအသင်းက ယာဉ်နဲ့ ကော့သောင်းမြို့နယ်၊ (၂)မိုင်ပြည်သူ့ဆေးရုံကြီးကို ကူညီပို့ဆောင် ပေးခဲ့တယ်လို့ သိရပါတယ်၊၊
