မန္တလေးတိုင်းဒေသကြီး၊ သာစည်မြို့နယ်မှာ ကျပ် ၂ ဘီလီယံကျော်တန်ဖိုးရှိ မူးယစ်ဆေးဝါးတွေ ဖမ်းဆီး ရမိခဲ့တယ်လို့ မြန်မာနိုင်ငံရဲတပ်ဖွဲ့က ဇူလိုင် ၁၀ ရက်မှာ ထုတ်ပြန်ပါတယ်။
ဇွန်လ ၂၆ ရက် ညနေပိုင်းက မန္တလေးတိုင်းဒေသကြီး၊ သာစည်မြို့နယ်၊ ကျွဲတပ်ဆုံ ကျေးရွာအနီးမှာ တောင်ကြီး ကနေ ရန်ကုန်ကို ဇင်ကိုဦး မောင်းနှင်ပြီး အောင်မင်းသူ လိုက်ပါလာတဲ့ Nissan (၁၂)ဘီးယာဉ်ကို သတင်းအရ စစ်ဆေးရှာဖွေရာက စိတ်ကြွရူးသွပ်ဆးပြား ၁၃ ဒသမ ၈ သိန်းကို သိမ်းဆည်းရမိခဲ့တာပါ။
သိမ်းဆည်းရမိတဲ့ စိတ်ကြွရူးသွပ်ဆေးပြားတွေ သယ်ဆောင်ခိုင်းသူ စိန်ကျော်ဝင်းကိုလည်း ဇွန် ၂၇ ရက်၊ ည ၁၀ နာရီလောက်က တောင်ကြီးမြို့နယ်၊ အေးသာယာမြို့၊ ရပ်ကွက်(၄)ရှိ သူရဲ့နေအိမ်မှာ ဖမ်းဆီးခဲ့တယ်လို့ ထုတ်ပြန်ချက်မှာ ဖော်ပြထားပါတယ်။
စစ်ဆေးဖော်ထုတ်ချက်အရ သိမ်းဆည်းရမိတဲ့ စိတ်ကြွရူးသွပ်ဆေးပြားတွေကို တောင်ကြီးကနေ ရန်ကုန်ကို သယ် ဆောင် ရောင်းဝယ်တာဖြစ်ကြောင်း သိရပြီး ဖမ်းမိတဲ့ သူတွေကို မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာ ဥပဒေအရ အရေးယူထားရှိကာ ကွင်းဆက်ပြစ်မှု ကျူးလွန်သူတွေကို ဆက်လက် ဖော်ထုတ် နေတယ်လို့ သိရပါတယ်၊၊
