ပြည်မြို့ရှိ လေးဆူဓာတ်ပျော်ရွှေဆံတော်စေတီတော်မြတ်ကြီးမှာ (၂၃)ကြိမ်မြောက် ထမနဲထိုးပြိုင်ပွဲနဲ့ (၁၀၁) ကြိမ် မြောက် ညန်ရိုးမီးပူဇော်ပွဲကို ဖေဖော်ဝါရီလ ၁၁ ရက်မှာ ကျင်းပသွားမှာဖြစ်တယ်လို့ ရွှေဆံတော်စေတီ ဂေါပက အဖွဲ့ကနေ သိရပါတယ်၊၊

ထမနဲထိုးပြိုင်ပွဲကိုတော့ လာမယ့် ဖေဖော်ဝါရီလ ၁၁ ရက် မနက် ၇ နာရီအချိန်မှာ စေတီ တော်ရဲ့ မဟာဗောဓိရင်ပြင်တော်ပေါ်မှာ ကျင်းပသွားမှာဖြစ်ပြီး ရွှေဆံတော်ဝေယျာဝစ္စအဖွဲ့(၆)ဖွဲ့နဲ့ ရွှေဆံတော် ဝန်ထမ်းအဖွဲ့(၁)ဖွဲ့တို့ ပါဝင်ယှဉ်ပြိုင်ကြမှာ ဖြစ်တယ်လို့ ဆိုပါတယ်၊၊

အဲဒီနောက် ဖေဖော်ဝါရီလ ၁၂ ရက် မနက် ပိုင်းမှာ ဘုရားကို ထမနဲဆွမ်းကပ်လှူမှာဖြစ်ပြီး စေတီတော်ရဲ့ တောင်ဘက်စောင်းတန်းအနီး ဝလေးလုံးစေတီ တော် အောက်ဘက်မှာ ပြည်သူအပေါင်းက ညန်ရိုးတွေကိုယ်စီကိုင်ဆောင်ကာ ညန်ရိုးမီး ပူဇော်ကြမှာ ဖြစ်တယ်လို့ သိရပါတယ်၊၊