လာမယ့် ၂၀၂၅ ခုနှစ်မှာ မြန်မာ့လူသားချင်းစာနာမှုဆိုင်ရာ လိုအပ်ချက်များ တုံ့ပြန်ရေးအစီအစဉ်(HNRP)က အကျပ်တည်းကြား ရှင်သန်နေကြသူတွေကို ကူညီပေးနိုင်ရေးအတွက် အမေရိကန်ဒေါ်လာ ၁ ဒသမ ၁ ဘီလီယံ အဆိုပြုတောင်းဆိုထားတယ်လို့ ကုလသမဂ္ဂလူသားချင်းစာနာထောက်ထားမှုဆိုင်ရာညှိနှိုင်းရေးရုံး UNOCHA Myanmar ရဲ့ ထုတ်ပြန်ချက်အရ သိရပါတယ်။
မြန်မာနိုင်ငံမှာ အကျပ်တည်းကြား ရှင်သန်နေသူဦးရေမှာ ၅ သန်းခွဲရှိပြီး အဲဒီလူတွေရဲ့ လူမှုဘဝ ရှင်သန်ရေးအတွက် အကူအညီများ ပေးအပ်ဖို့တောင်းဆိုထားတာ ဖြစ်တယ်လို့ ဆိုပါတယ်။
ဒါ့အပြင် မြန်မာနိုင်ငံမှာ ပြည်တွင်းနေရပ်စွန့်ခွာသူဦးရေမှာ ၃သန်းခွဲနီးပါးရှိနိုင်ပြီး လာမယ့်(၂၀၂၅)ခုနှစ်မှာ အကူညီလိုအပ်သူဦးရေ သန်း၂၀ နီးပါး ရှိနိုင်တယ်လို့လည်း UNOCHA Myanmar ရဲ့ ထုတ်ပြန်ချက်ထဲမှာ ဖော်ပြထားပါတယ်။
