ပဲခူးတိုင်းဒေသကြီး၊ ပြည်မြို့၊ ဧရာဝတီမြစ် ဘောတံတားအနီးမှာ မတ်လ ၁၇ ရက် ညနေပိုင်းက ကလေး နှစ်ယောက် ရေနစ်သေဆုံးခဲ့တယ်လို့ ကူညီကယ်ဆယ်ရေးလုပ်ငန်းတွေ သွားရောက်ဆောင်ရွက်ခဲ့တဲ့ Bago Rescue Organization(BGRO)အဖွဲ့၊ ဒေသတွင်းရေနစ်သူကူညီကယ်ဆယ်ရေးအသင်း ဥက္ကဋ္ဌ ဦးပြည့်သဲမောင်က One News ကို ပြောပါတယ်၊၊
ဖြစ်စဉ်ကတော့ မတ်လ ၁၇ ရက် ညနေ ၄ နာရီခွဲအချိန်လောက်က ပြည်မြို့ ကမ်းနားလမ်း ပန်းခြံနောက်ကျော ဧရာဝတီမြစ်အတွင်း ဘောတံတားအနီးမှာ ကလေး ၂ ယောက် ရေနစ်သေဆုံးခဲ့တာဖြစ်တယ်လို့ ဆိုပါတယ်၊၊
ကလေး ၄ ယောက်ဟာ ဧရာဝတီမြစ်အတွင်း ရေဆင်းချိုးရာက တစ်ယာက် ရေနစ်လို့ နောက်တစ်ယောက်က ကယ်ရာကနေ နှစ်ယာက်စလုံး ရေနစ်သေဆုံးခဲ့တာဖြစ်တယ်လို့ ဦးပြည့်သဲမောင်က ပြောပါတယ်၊၊
သေဆုံးသူတွေဟာ အသက် ၁၄ နှစ်နဲ့ ၁၆ နှစ်အရွယ် ကလေးနှစ်ယောက်ဖြစ်ပြီး ပြည်မြို့၊ မြို့သစ်စျေးလမ်းမှာ နေထိုင်သူတွေဖြစ်တယ်လို့ သိရပါတယ်၊၊ သေဆုံးရုပ်အလောင်းတွေကို ပရဟိတပါရမီလူမှုကူညီကယ်ဆယ်ရေး အသင်းနဲ့ နှလုံးသားမေတ္တာရှင်လူမှုကူ ညီကယ်ဆယ်အသင်းတို့ကယာဉ်တွေနဲ့ ပြည်မြို့ပြည်သူ့ဆေးရုံကြီးကို ပို့ဆောင်ပေးခဲ့တယ်လို့ သိရပါတယ်။
