Huawei Technologies က အဆင့်မြင့် 910C ဉာဏ်ရည်တု ချစ်ပ်တွေကို လာမယ့်လ အစောပိုင်းမှာ တရုတ် သုံးစွဲ သူတွေဆီ အမြောက်အမြား တင်ပို့ရောင်းချဖို့ စီစဉ်နေကြောင်း Reuters သတင်းမှာ ဖော်ပြပါရှိပါတယ်။
Huawei ထုတ် 910C ဂရပ်ဖစ်လုပ်ဆောင်တဲ့ယူနစ်(GPU)က နည်းပညာဆိုင်ရာထက် ဗိသုကာပိုင်းဆိုင်ရာကို ဦးစားပေး ကိုယ်စားပြု ထုတ်လုပ်ထားတာဖြစ်တယ်လို့ ကုမ္ပဏီအကြီးအကဲတစ်ယောက်က ပြောပါတယ်။Nvidia ထုတ် H100 ချစ်ပ်တွေနဲ့ နှိုင်းယှဉ်နိုင်ရင် စွမ်းဆောင်ရည်ပိုမိုမြင့်မားပြီး 910B ပရိုဆက်ဆာနှစ်ခုကို ပက်ကေ့ခ်ျတစ်ခုအဖြစ် ပေါင်းစပ်ထားတာကြောင့် သုံးစွဲသူတွေအတွက်တစ်မူထူးခြား ဆန်းသစ်တဲ့ အတွေ့ အကြုံတွေကို ပေးစွမ်းနိုင်မှာ ဖြစ်တယ်လို့ ဆိုပါတယ်။
ဆိုလိုတာက 910B ပရိုဆက်ဆာမှာ ကွန်ပျူတာစွမ်းအားနဲ့ မှတ်ဉာဏ်စွမ်းရည် နှစ်ဆရှိပြီး မတူကွဲပြားတဲ့ AI workload data အတွက် ပိုမိုကောင်းမွန်တဲ့ ပံ့ပိုးမှု အပါအဝင် မြင့်မားသာလွန်တဲ့ နည်းပညာ ဖွံ့ဖြိုးတိုးတက်မှု တွေကိုလည်း မြင်တွေ့ရမှာ ဖြစ်ပါတယ်။ ဒါ့အပြင် ထပ်ပြီး ထူးခြားတာက 910C ဉာဏ်ရည်တု ချစ်ပ်တွေက Moore Threads နဲ့ Iluvatar CoreX လို GPU လုပ်ငန်းစဥ်တွေအပြင် Nvidia က လွှမ်းမိုးထားတဲ့ ချစ်ပ် စျေးကွက် ကို အမီလိုက်နိုင်ဖို့အတွက် တရုတ်ရဲ့ ထုတ်ကုန်သစ်တစ်ခုလည်း ဖြစ်ပါတယ်။
