အီလွန်မတ်စ်ဟာ သူကြည့်မရတဲ့ OpenAI ကို ဒေါ်လာ ဘီလျံရာဂဏန်းနီးပါးပေးပြီး ဝယ်ယူဖို့ ကမ်းလှမ်းလိုက်ပါ တယ်။ မတ်စ်ဦးဆောင်တဲ့အဖွဲ့က OpenAI ကို ထိန်းချုပ်ထားတဲ့ nonprofit အဖွဲ့ကို အမေရိကန်ဒေါ်လာ ၉၇ ဒသမ ၄ ဘီလီယံ ပေးဝယ်မယ်ဆိုပြီး ပြောကြားလိုက်တာ ဖြစ်ပါတယ်။
ဒါဟာ Twitter ကို ဝယ်တုန်းက ပေးခဲ့တဲ့ ပမာဏရဲ့ နှစ်ဆမကတဲ့ ပမာဏပါ။ ဒါပေမဲ့ OpenAI ရဲ့ ကုမ္ပဏီ တန်ဖိုးကလည်း အီလွန်မတ်စ်ပေးတာထက် ၃ ဆ မက တန်ဖိုးရှိတယ်လို့ ဆိုပါတယ်။ ပြီးခဲ့တဲ့လကုန်အထိ CNBC က တွက်ထားတဲ့အချက်အလက်အရ OpenAI ကုမ္ပဏီတန်ဖိုးက အမေရိကန်ဒေါ်လာ ၃၄၀ ဘီလီယံ ထက်မနည်း တန်ဖိုးရှိပါတယ်။ ၂၀၁၉ မှာ စတင်ခဲ့တဲ့ OpenAI Global မှာ ဒေါ်လာ ၁၃ ဘီလီယံ ထည့်ထားတဲ့ Microsoft က ရှယ်ယာ ၄၉ ရာခိုင်နှုန်းလောက် ပိုင်ပါ တယ်။
ပိုက်ဆံရှာတဲ့ OpenAI Global က OpenAI ကုမ္ပဏီရဲ့ လက်အောက်ခံ လုပ်ငန်းပါ။OpenAI ကို စတင်တည်ထောင်တုန်းက ပါဝင်ခဲ့ဖူးပြီး နုတ်ထွက်ထားတဲ့ အီလွန်မတ်စ်ဟာ OpenAI ကို အကျိုး အမြတ်မယူအဖွဲ့အစည်းကနေ ငွေရှာတဲ့လုပ်ငန်းပြောင်းလို့ ဆိုပြီး ရုံးတင်တရားစွဲထားတာ ရှိပါတယ်။ နောက်ပြီး OpenAI က ခေါင်းဆောင်ထားတဲ့ Oracle , SoftBank တို့နဲ့ ဘီလီယံ ၅၀၀ တန် Stargate ပရောဂျက်ကို ကြေညာ တော့လည်း မတ်စ်က ဝေဖန်ထားပါတယ်။ OpenAI ကို Open-Source အဖြစ် ဘေးကင်းရေးဦးစားပေးအဖွဲ့ ဖြစ်အောင်လုပ်ဖို့ အချိန်တန်ပြီ ဖြစ်အောင်လုပ် မယ်လို့လည်း မတ်စ်က ပြောထားဖူးပါတယ်။ ဒီလို ပြဿနာတွေ ကြားထဲက OpenAI ကို ဝယ်မယ်ဆိုပြီး ပြောကြားလာ တာဖြစ်ပါတယ်။
