အိမ်မွေးတိရစ္ဆာန်များအတွက် ပထမဆုံးစမတ်ဖုန်းထွက်ရှိ

GlocalMe က အိမ်မွေးတိရစ္ဆာန်ပိုင်ရှင်တွေနဲ့ သူတိုရဲ့ ကြောင် ဒါမှမဟုတ် ခွေး‌တွေအကြား ဆက်သွယ်မှုကို မြှင့်တင်ပေးဖို ပြုလုပ်ထားတဲ့ ‘PetPhone’ လိုခေါ်တဲ့ ပထမဆုံးစက်ပစ္စည်းတစ်ခုကို စတင်မိတ်ဆက်လိုက်ပြီဖြစ်ကြောင်း NBC သတင်းမှာဖေါ်ပြထားပါတယ်။စပိန်နိုင်ငံ၊ ဘာစီလိုနာမြိုမှာ ကျင်းပနေတဲ့ Mobile World Congress (MWC) မှာ ကမ္ဘာတစ်ဝှမ်းက ထိပ်တန်းစမတ်ဖုန်းထုတ်လုပ်သူတွေ့ရဲ့တစ်မူထူးခြားတဲ့ တီထွင်ဆန်းသစ်မှု အများအပြားကို တွေ့မြင်ခဲ့ရပါတယ်။ ဒါပေမဲ့ GlocalMe ရဲ့ နောက်ဆုံးထုတ်ကုန်ကတော့ နည်းပညာလောကမှာ တော်တော်လေးကို ဟိုးလေးတကျော် ဖြစ်စေခဲ့ပါတယ်။

ပုံမှန်စမတ်ဖုန်းတွေနဲ့ မတူဘဲ “ အိမ်မွေးတိရစ္ဆာန်တွေအတွက် ပထမဆုံးစမတ်ဖုန်း” ဟာ လည်ပင်းကော်လာလိုမျိုး အိမ်မွေးတိရစ္ဆာန်ရဲ့ လည်ပင်းမှာ တပ်ဆင်နိုင်တဲ့ ကြိုးတစ်ခုနဲ့ တွဲထားပါတယ်။နှစ်လမ်းသွားဆက်သွယ်မှုကို လုပ်ဆောင်နိုင်တဲ့အပြင် အိမ်မွေးတိရစ္ဆာန်ပိုင်ရှင်တွေအနေနဲ့ သူတိုရဲ့ အိမ်မွေးတိရစ္ဆာန်ရဲ့ ကျန်းမာရေးကို စောင့်ကြည့်နိုင်တဲ့ ကျန်းမာရေး စောင့်ကြည့်မှု လုပ်ဆောင်ချက်လည်း ပါဝင်ပါတယ်။PetPhone ကို စတင်အသုံးပြုတဲ့အခါ အိမ်မွေးတိရစ္ဆာန်ရဲ့ အသံကို ချက်ချင်းဖမ်းယူပြီး ကုဒ်ဖြည်ပေးပါလိမ့်မယ်။ လူတွေလိုပဲ တိရစ္ဆာန်တွေမှာလည်း ခံစားချက်တစ်ခုစီအတွက် မတူညီတဲ့ အသံအနိမ့်အမြင့်တွေ ရှိပါတယ်။ ဒါပေမဲ့ အိမ်မွေးတိရစ္ဆာန်ပိုင်ရှင်အားလုံးကတော့ အဲဒီအသံတွေကို နားလည်နိုင်စွမ်း မရှိကြပါဘူး။

GlocalMe ရဲ့ ဒီစက်ပစ္စည်းက အိမ်မွေးတိရစ္ဆာန်တွေ စိတ်မကောင်းဖြစ်နေလား၊ ဗိုက်ဆာနေလား၊ အခက်အခဲတစ်ခုခု ကြုံနေရလား ဒါမှမဟုတ် တခြားအခက်အခဲတွေကို ရင်ဆိုင်နေရလားဆိုတာကို အိမ်မွေးတိရစ္ဆာန်ပိုင်ရှင်တွေကို နားလည်စေနိုင်မှာပါ။ အိမ်မွေးတိရစ္ဆာန်ပိုင်ရှင်တွေဟာ စက်ပစ္စည်းကနေတစ်ဆင့် သူတိုရဲ့ ကြောင်တွေနဲ့ ခွေးတွေကို ပြန်ပြောနိုင်မှာပါ။ အဲဒီလုပ်ဆောင်ချက်ကို PawTalk လို အမည်ပေးထားပြီး အသံဖွင့်စနစ်တွေကို ထည့်သွင်းထားတယ်လို ကုမ္ပဏီအမှုဆောင်အရာရှိချုပ်ကဆိုပါတယ်။” အိမ်မွေးတိရစ္ဆာန်တွေအတွက် အထူးဒီဇိုင်းထုတ်ထားတဲ့ ပထမဆုံးစမတ်ဖုန်း” အဖြစ် စျေးကွက်တင်ထားတဲ့ GlocalMe ထုတ်ကုန်က လှုပ်ရှားမှုခြေရာခံခြင်းနဲ့ AI-မောင်းနှင်တဲ့ သတိပေးချက်တွေလိုမျိုး တခြားစိတ်ဝင်စားစရာကောင်းတဲ့ လုပ်ဆောင်ချက်တွေကိုလည်း ပေးစွမ်းနိင်တာဖြစ်ပါတယ်။