စွမ်းဆောင်ရည်ပိုင်း ပိုမိုမြင့်မားပြီး လူသားနည်းတူ ကျိုးကြောင်းဆင်ခြင်နိုင်စွမ်းရှိတဲ့ Gemini 2.0 Flash Thinking ကို Google က တရားဝင်မိတ်ဆက်ခဲ့ကြောင်း Firstpost သတင်းမှာ ရေးသားထားပါတယ်။ အဆင့်မြှင့်တင်ထား တဲ့ Gemini 2.0 AI မော်ဒယ်ဟာ ရှုပ်ထွေးတဲ့ မေးခွန်းတွေကို အချိန်ခဏလေးအတွင်းမှာ အလွယ်တကူ ဖြေကြား ပေးနိုင်မှာဖြစ်သလို လူသားနည်းတူ ကျိုးကြောင်းဆင်ခြင်တဲ့လုပ်ငန်းစဉ်ကိုလည်း အသုံးပြုသူတွေအတွက် ပိုမို အဆင်ပြေအောင်လည်း ဆောင်ရွက်ပေးနိုင်မှာ ဖြစ်ပါတယ်။
OpenAI ရဲ့ o3 နဲ့ o3-mini မော်ဒယ်တွေကို ပြီးခဲ့တဲ့ သီတင်းပတ်က မိတ်ဆက်ပြီးနောက် Gemini 2.0 Flash Thinking ကို Google က အခုလို မိတ်ဆက်လာတာပါ။Gemini 2.0 Flash Thinking ကို ဝက်ဘ်နဲ့ မိုဘိုင်းပလက်ဖောင်းတွေမှာ စတင်သုံးစွဲနိုင်ပြီ ဖြစ်ပါတယ်။ အဲဒီ မော်ဒယ်ဟာ o3 နဲ့ o3-mini မော်ဒယ်တွေနဲ့ DeepSeek R1 တွေကို ယှဉ်ပြိုင်ဖို့အတွက် ထုတ်လုပ်ထားတာ ဖြစ်ပါတယ်။ မေးခွန်းတွေကို ဖြေကြားဖို့အတွက် တခြား အက်ပ်တွေထက် အချိန်အနည်းငယ်ပိုကြာနိုင်ပေမယ့် ပိုမိုတိကျပြီး လိုက်လျောညီထွေဖြစ်စေနိုင်တဲ့ ရလာဒ်တွေကို ပေးစွမ်းနိုင်မှာ ဖြစ်ပါတယ်။
အဲဒီဗားရှင်းအသစ်က YouTube၊ Search နဲ့ Google Maps တို့လို Google ဝန်ဆောင်မှုတွေနဲ့ ပေါင်းစပ်ထား တာကြောင့် သုံးစွဲသူတွေအတွက် ပိုမိုအဆင်ပြေ ချောမွေ့မှုကို ပေးစွမ်းနိုင်မှာ ဖြစ်ပါတယ်။
