Veo 2 အသုံးပြုခ တစ်မိနစ် ဒေါ်လာ ၃၀ ကောက်ခံမည့်

Google ကုမ္ပဏီက Veo 2 ကို သုံးရင် ဗွီဒီယိုတစ်စက္ကန့်ကို ဆင့် ၅၀ နှုန်းနဲ့ ကောက်ခံသွားမှာဖြစ်တယ်လို့ ပြောကြားလာပါတယ်။ Google ဟာ စာရိုက်တဲ့အတိုင်း ဗွီဒီယိုတွေဖန်တီးနိုင်မယ့် Veo 2 ဆိုတဲ့ AI Model သစ်ကို ၂၀၂၄ ခုနှစ် ဒီဇင်ဘာလက မိတ်ဆက်ခဲ့တာပါ။ Veo 2 သုံးပြီး တစ်မိနစ်စာ ဗွီဒီယိုတစ်ပုဒ် ဖန်တီးရင် ဒေါ်လာ ၃၀ ပေးရမှာဖြစ်ကာ တစ်နာရီဆိုရင်တော့ ဒေါ်လာ ၁၈၀၀ ပေးဆောင်ရမှာ ဖြစ်ပါတယ်။

Veo 2 မော်ဒယ်က 20-စက္ကန့်၊ 1080p ဗီဒီယိုတွေကို ကန့်သတ်ထားတဲ့ ChatGPT ထုတ် Sora ထက် များစွာပိုပြီး 4K resolution ဖြင့် နှစ်မိနစ်စာကလစ်တွေကို ထုတ်လုပ်နိုင်မှာဖြစ်ပါတယ်။ Veo 2 က ChatGPT ရဲ့ Sora မော်ဒယ်ထက်တော့ တော်တော်လေးသာတယ်လို့ လေ့လာသူတွေက သုံးသပ်ထားကြပါတယ်။ နောက်ပြီး Sora နဲ့ Veo 2 က စီးပွားရေးမော်ဒယ်ချင်း မတူပါဘူး။ ChatGPT ရဲ့ Sora က တစ်လကို ဒေါ်လာ ၂၀၀ ပေးသုံးတဲ့ Pro plan သမားတွေဆိုရင် တစ်လကို ဗွီဒီယို ၅၀၀ အထိနဲ့ Plus plan သမားတွေဆိုရင် 720p/ ၅ စက္ကန့်ဗွီဒီယို ၅၀ အထိ ခွင့်ပြုပေးထားတာဖြစ်ပါတယ်။

ရိုးရိုး users တွေအတွက် Veo 2 က ဈေးကြီးပေမယ့် creative သမားတွေနဲ့ လုပ်ငန်းသုံးတွေအတွက်တော့ ဒီမော်ဒယ်က အသုံးပြုရတာ တော်တော်လေး အဆင်ပြေ မှာဖြစ်တယ်လို့ ကုမ္ပဏီ အမှုဆောင်အရာရှိချုပ်က ပြောပါတယ်။နည်းပညာတွေ တိုးတက်ပြောင်းလဲလာတာနဲ့အမျှ Veo 2 လို မော်ဒယ်တွေက စျေးကွက်ရှာဖွေတာကနေ ဖျော်ဖြေရေးအထိ စက်မှုလုပ်ငန်းအနာဂတ်ကို ပုံဖော်ပေးနိုင်မယ့် ဒစ်ဂျစ်တယ်အကြောင်းအရာ ဖန်တီးမှု များစွာကိုလည်း အကျိုးသက်ရောက်စေမှာ ဖြစ်ပါတယ်။