Tencent ထုတ် AI chatbot တစ်ခုက တရုတ် iOS App Store မှာ ဒေါင်းလုပ်အဆွဲဆုံး free app နေရာရောက်ရှိလာကြောင်း The verge သတင်းမှာဖော်ပြထားပါတယ်။
DeepSeek ကို ဒုတိယနေရာပို့လိုက်တဲ့ app က ပြီးခဲ့တဲ့နှစ် မေလထဲမှာ ဖြန့်ချိထားတဲ့ Tencent ရဲ့ Yuanbao appဖြစ်ပါတယ်။ မကြာသေးခင်ကပဲ Yuanbao ကို DeepSeek ရဲ့ R1 reasoning model နဲ့ ပေါင်းစည်းလိုက်ပြီးနောက် လူကြိုက်များရေပန်းစားသွားတာဖြစ်ပါတယ်။တရုတ် iOS App Store ရဲ့ download ဆွဲမှု အများဆုံး free apps ၅ ခုမှာ ၃ ခုက AI chatbots app တွေ ဖြစ်ပြီး နံပါတ်တစ်နေရာမှာ Yuanbao , နံပါတ်နှစ် DeepSeek နဲ့ နံပါတ်လေးနေရာမှာ ByteDance ထုတ် Doubao တို့ ရှိနေတာဖြစ်ပါတယ်။
AI app tracker ဝက်ဘ်ဆိုက်ရဲ့ အချက်အလက်တွေအရ ဖေဖော်ဝါရီကုန်ပိုင်းမှာ Yuanbao ကို နေ့စဉ်သုံးသူဦးရေ ၃ သန်းအထိရှိလာတယ်လို့ ဆိုပါတယ်။ ဒါက နေ့စဉ်သုံးသူဦးရေ သိန်းဂဏန်းကနေ တက်သွားတာဖြစ်ပါတယ်။သုံးစွဲသူသန်း ၁၃၀၀ ရှိတဲ့ WeChat app ထဲမှာပါ Yuanbao အတွက် download ခလုတ်ထည့်ပေးထားလို့ downloadဆွဲမှု ပိုတက်လာဖို့လည်းရှိတယ်လို့ ခန့်မှန်းထားကြပါတယ်။
