ChatGPT 5 ကို အခမဲ့ပေးသုံးမယ်လို့ OpenAI က ထုတ်ပြန်ကြေညာလိုက်ကြောင်း Reuters သတင်းမှာ ရေးသား ထားပါတယ်။ အဆင့်မြင့် features တွေအတွက် လစဉ်ကြေး ဒေါ်လာ ၂၀၀ အထိကောက်တဲ့ OpenAI က သူ့နောက်ထွက်မယ့် model ကို free users တွေကို စိတ်ကြိုက်သုံးခွင့် ပေးတော့မှာဖြစ်ပါတယ်။
နောက်ပိုင်း ထွက်လာမယ့် ChatGPT-5 ကို chatgpt အကောင့်ရှိတဲ့သူတိုင်း အခမဲ့သုံးလို့ ရတော့မှာဖြစ်ပါတယ်။ OpenAI ရဲ့ နောက်မျိုးဆက် GPT-5 မှာ GPT series ရဲ့ စွမ်းဆောင်ရည်နဲ့ o စီးရီးရဲ့ reasoning models တွေ ပေါင်းစပ်ထား တဲ့ AI စွမ်းဆောင်ရည်တွေ ပါလာမှာဖြစ်ပါတယ်။ ဒီမျိုးဆက်သစ် AI model က o3 နဲ့ တလောက ဖြန့်ချိထားတဲ့ Deep Research လုပ်ဆောင်ချက်လို နည်းပညာတွေ တစ်စုတစ်စည်းတည်း ပေါင်းထားတဲ့ system တစ်ခု အဖြစ် မြင်တွေ့ရမှာလည်း ဖြစ်ပါတယ်။ GPT-5 ကို free users တွေရဲ့ standard intelligence setting မှာလည်း unlimited access ပေးထားပြီး Plus plan သုံးသူတွေကို ပိုအဆင့်မြင့်တဲ့ higher level intelligence နဲ့ လုပ်ဆောင်အသုံးပြုနိုင်အောင် စီစဉ်ထားတယ်လို့ ကုမ္ပဏီရဲ့အကြီးအကဲတစ်ယောက်က ပြောကြားထားပါတယ်။
တစ်ဖက်မှာလည်း OpenAI က ကုဒ်နာမည် Orion လို့ ထွက်ထားတဲ့ GPT-4.5 ကိုလည်း ဖြန့်ချိဖို့ လုပ်ထားပါ တယ်။ ဒီ AI model အကြောင်း မသိရသေးပေမယ့် o1 reasoning model သုံးထားတဲ့ ဒီမော်ဒယ်က GPT- 4 model ထက် အဆပေါင်း ၁၀၀ အထိ ပိုပြီး စွမ်းဆောင်ရည်မြင့်မယ်လို့ ဆိုပါတယ်။ လက်ရှိမှာ ChatGPT 4.5 နဲ့ GPT-5 တွေ ထွက်မယ့်ရက်ကိုတော့ OpenAI ဘက်က အတိအကျ ထုတ်ပြန်ပြောကြားထားတာ မရှိသေးပါဘူး။
