တရုတ်နည်းပညာကုမ္ပဏီကြီး Alibaba က နောက်ဆုံးပေါ် AI ကျိုးကြောင်းဆင်ခြင်မှုပုံစံ QwQ-32B ကို မိတ်ဆက်ခဲ့ပြီးနောက် တရုတ်ဟောင်ကောင်စာရင်းဝင်ရှယ်ယာဈေးနှုန်းတွေ ၈%အထိတိုးလာကြောင်း Explore သတင်းမှာရေးသားထားပါတယ်။
OpenAI’s o3 ဒါမှမဟုတ် Anthropic’s Claude 3.7 Sonnet တိုနဲ့ယှဉ်ရင် လုပ်ဆောင်နိုင်တဲ့စွမ်းရည် အလွန်နည်းပါးပေမယ့် DeepSeek မော်ဒယ် R1 ထက်စာရင် စွမ်းဆောင်ရည်မြင့်မားတယ်လို ကုမ္ပဏီ တာဝန်ရှိသူတစ်ဦးကပြောပါတယ်။Alibaba ထုတ် နောက်ဆုံးထွက် AI မော်ဒယ်တွေဟာ ထိပ်တန်းနည်းပညာကုမ္ပဏီကြီးတွေကထုတ်လုပ်ထားတဲ့ AI မော်ဒယ်တွေကိုအမီလိုက်နေတာတွေ့ရပြီး တစ်နေ့ပြီးတစ်နေ့ ခေတ်မီနည်းပညာတွေကို တုပအကောင်
အထည်ဖော်နေတာကိုလည်းတွေ့ရပါတယ်။
DeepSeek ရဲ့ R1မော်ဒယ်ကို ဇန်နဝါရီလမှာစတင်ထုတ်ဝေပြီးကတည်းက ကမ္ဘာ့စတော့ရှယ်ယာဈေးကွက်ကို လှိင်းလုံးသဖွယ် ရိုက်ခတ်နေတာဖြစ်ပြီး တရုတ်နည်းပညာဂေဟစနစ်ကိုလည်း ပြောင်းလဲနိုင်ခဲ့တာဖြစ်ပါတယ်။ နောက်မှာလည်း တရုတ်နည်းပညာကုမ္ပဏီကြီး Alibaba က DeepSeek R1 မော်ဒယ်ကိုကျော်တက်ပြီး ကမ္ဘာ့ဈေးကွက်ကိုလွှမ်းမိုးနိုင်အောင်ကြိုးပမ်းနေတာလည်းဖြစ်ပါတယ်။ AI ကျိုးကြောင်းဆင်ခြင်မှုပုံစံ QwQ-32B မော်ဒယ်အသစ်ဟာ မှတ်ဥာဏ်အလုပ်အများစုကို လုပ်ဆောင်နိုင်တဲ့ အဆင့်မြင့် AI စနစ်တွေ၊ ဂရပ်ဖစ်ဒီဇိုင်းသုတေသနကနေ စက်-သင်ယူခြင်းအထိ လုပ်ဆောင်နိုင်စွမ်းရှိပါတယ်။
