ဆော့ဖ်ဝဲလ်ကုမ္ပဏီ Adobe ဟာ ဉာဏ်ရည်တု(AI) ကိရိယာအသစ်ကို စတင်မိတ်ဆက်လိုက်ပြီဖြစ်ကြောင်း Reuters သတင်းမှာ ဖော်ပြထားပါတယ်။ OpenAI ကို ပိုမိုကောင်းမွန်စွာ ယှဉ်ပြိုင်နိုင်ဖို့ ခြေလှမ်းသစ်စတင်တဲ့ အနေနဲ့ သုံးစွဲသူတွေအတွက် ဗီဒီယိုကလစ်တွေ ဖန်တီးရာမှာ ပိုမိုအဆင်ပြေဖို့အတွက် ရည်ရွယ်ပြီး (AI) ကိရိယာ အသစ်ကို မိတ်ဆက်ခဲ့တာဖြစ်တယ်လို့ ကုမ္ပဏီအမှုဆောင်အရာရှိချုပ်က ပြောပါတယ်။
Adobe မိတ်ဆက်လိုက် တဲ့ “ Firefly Video Model” (AI) ကိရိယာအသစ်ဟာ ChatGPT က ထုတ်လုပ်ထားတဲ့ Sora နဲ့ တိုက်ရိုက်ယှဉ်ပြိုင် ရမှာပါ။ တစ်ဖက်မှာလည်း Meta Platforms(META)ကလည်း သုံးစွဲသူတွေအတွက် ဉာဏ်ရည်တု(AI)ကိရိယာ အသစ်ကို လူသိရှင်ကြား မထုတ်ပြန်ပေမယ့် ဗီဒီယိုမျိုးဆက် AI အက်ပ်လီကေးရှင်းကို တီထွင်နေတယ်လို့ သတင်းတွေ ထွက်ပေါ်နေပါတယ်။ သတင်းထုတ်ပြန်ချက်တွေအရ Adobe ရဲ့ AI ဗီဒီယိုဂျင်နရေတာဟာ အရည်အသွေး ထူးခြားကောင်းမွန်တဲ့ ဗီဒီယိုကလစ်တွေကို ဖန်တီးပေးနိုင်တယ်လို့ သိရပါတယ်။
