အခု ၂၀၂၅ ခုနှစ်အတွင်း ဆော့ဖ်ဝဲလ်အင်ဂျင်နီယာတွေနေရာမှာ AI နည်းပညာကို အစားထိုး အသုံးပြုတော့မှာ ဖြစ်ကြောင်း Meta ကုမ္ပဏီ CEO မတ်ခ်ဇူကာဘတ်က ပြောကြားလိုက်ပါတယ်။
လေ့လာဆန်းစစ်ချက်တွေအရ AI နည်းစနစ်တွေဟာ အစပိုင်းမှာ လုပ်ငန်းကောင်းစွာ လည်ပတ်နိုင်ဖိုအတွက် အချိန်ယူခဲ့ရပေမယ့် လက်ရှိမှာတော့ စွမ်းဆောင်ရည်တွေက မြင့်မားလာပြီး ဆော့ဖ်ဝဲလ် အင်ဂျင်နီယာတွေ လုပ်ဆောင်နေတဲ့ ကုဒ်တွေကိုပါ ပိုင်ပိုင် နိုင်နိုင် နည်းစနစ်ကျကျ ရေးသားလာနိုင်တာကို တွေ့ရပါတယ်။ ဒါကြောင့် အခုနှစ်ကစပြီး အလယ်အလတ် ဆော့ဖ်ဝဲလ်အင်ဂျင်နီယာတွေနေရာမှာ AI နည်းပညာတွေကို ကျယ်ပြန့် စွာအသုံးချပြီး လုပ်ငန်းလည်ပတ်မှု ပိုမိုကောင်းမွန်အောင် ဆောင်ရွက်သွားမှာဖြစ်တယ်လို မတ်ခ်ဇူကာဘတ်က ပြောပါတယ်။
အခုလိုဆောင်ရွက်တာက ထိရောက်မှုနဲ့ ကုန်ကျစရိတ်ကို လျှော့ချနိုင်ဖိုအတွက် အဓိက ရည်ရွယ်ထားတာဖြစ်ပြီး ကုဒ်ရေးတာကို အလိုအလျောက် လုပ်ဆောင်နိုင်တဲ့ လုပ်ငန်းနယ်ပယ်အတွက်လည်း အချိန်ခဏလေးအတွင်းမှာ လုပ်ငန်းဆောင်တာတွေကို ပြီးမြောက်အောင်ဆောင်ရွက်ဖို အခွင့်လမ်းကောင်းတစ်ခုလည်း ဖြစ်လာမယ်လို မတ်ခ်ဇူကာဘတ်က ပြောကြားထားပါတယ်။
