တဖြည်းဖြည်းတိုးတက်လာတဲ့ နည်းပညာရေစီးကြောင်းတွေအပေါ်မူတည်ပြီး AI ကို စီးပွားရေးလုပ်ငန်း တော်တော်များများမှာ တွင်တွင်ကျယ်ကျယ် အသုံးပြုလာတာကို တွေ့ရပါတယ်။ စက်မှုထိပ်တန်းနိုင်ငံကြီး တစ်နိုင်ငံဖြစ်တဲ့ ဂျပန်နိုင်ငံက ဖက်ရှင်လုပ်ငန်းလုပ်ငန်းတွေမှာလည်း AI နည်းပညာကို ပိုမို အသုံးပြုလာနေပြီး လုပ်ငန်းတွေ ပိုမိုပြီးမြောက်အောင် ဆောင်ရွက်နေကြောင်း The Nation Thailand သတင်းမှာ ဖော်ပြပါရှိပါတယ်။
နောက်ဆုံးပေါ် AI နည်းပညာကို အသုံးပြုပြီး အဝတ်ဒီဇိုင်းဆွဲတာ၊ ချည်ကနုတ်ထိုးတာ၊ ပန်းအလှဆင်တာ အစရှိတဲ့ အပြောင်းအလဲတွေ ပြုလုပ်ဖန်တီးပြီး လုပ်ငန်းတွေ ပိုမိုလျှင်မြန်စွာ ဆောင်ရွက်နိုင်ဖို့ ကြိုးစားနေ ကြတယ်လို့ ဂျပန်နိုင်ငံက အသက် ၅၀ အရွယ် ဒီဇိုင်နာတစ်ယောက်က ပြောပါတယ်။
Generative AI ကို နယ်ပယ်အသီးသီးမှာ ပိုမိုအသုံးများလာပြီး ဖက်ရှင်စက်မှုလုပ်ငန်းတွေမှာရော ဆိုရှယ်မီဒီယာ လုပ်ငန်းတွေမှာပါ အရောင်းမြှင့်တင်ရေးကဏ္ဍအပိုင်းကို ကျယ်ကျယ်ပြန့်ပြန့် အသုံးပြုလာနေကြတာပါ။ AI နည်း ပညာကို ဖက်ရှင်ရှိုးတွေနဲ့ ပြိုင်ပွဲတွေမှာ အကန့်အသတ်မရှိ အသုံးပြုနိုင်တာကြောင့် နောက်ဆုံး ဈေးကွက်ချဲ့ထွင်မှု အပိုင်းမှာပါ များစွာအသုံးဝင်တဲ့အပြင် Generative AI ကို မိတ်ဆက်တာက ကမ္ဘာကြီးမှာ မကြုံစဖူး မြင်သာအောင် ဖန်တီးပေးနိုင်တဲ့ အခွင့်အလမ်း အလားအလာကောင်း များစွာလည်း ပေါ်ထွက်လာနေတာ ဖြစ်ပါတယ်။
