လာမဲ့ရက်တွေမှာ ထွန်းလင်းတောက်ပတဲ့ ကြယ်တံခွန်တစ်ခုကို နှစ်ပေါင်း (၁၆၀၀၀၀) အတွင်း ပထမဆုံး အဖြစ် တွေ့မြင်ရမှာဖြစ်ပါတယ်။ နာဆာ အာကာသအဖွဲ့ကြီးက အဲဒီ ကြယ်တံခွန် တောက်ပလာတဲ့ အချိန်အတိုင်းအတာ ကို ခန့်မှန်းဖို့ ခက်ပေမဲ့ ကောင်းကင်မှာ မျက်စိနဲ့ ထင်ထင်ရှားရှားတွေ့မြင်နိုင်လောက်အောင် ဆက်ပြီး တည်ရှိလာနိုင်ကြောင်း ပြောပါတယ်။
တနင်္လာနေ့မှာ အဲဒီ ကြယ်တံခွန်ဟာ ပယ်ရီဟယ်လီယန် လို့ခေါ်တဲ့ နေနဲ့အနီးဆုံး နေရာကို ရောက်ရှိနေပြီး အဲဒီတည်နေရာက ကြယ်တံခွန်ကို ပိုမိုတောက်ပလင်းလက် လာစေနိုင်တယ်လို့ ပြောပါတယ်။ အဲဒီကြယ်တံခွန် တနင်္လာနေ့ညကစပြီး တွေ့မြင်ရနိုင်ကြောင်း ကျွမ်းကျင်သူတွေက ပြောပါတယ်။ ကမ္ဘာ့ဘယ်ဒေသတွေကနေ မြင်တွေ့ရမလဲဆိုတာကို အတိအကျ ဖော်ပြဖို့ မလွယ်ပေမဲ့ ကမ္ဘာ့တောင်ဘက်ခြမ်းဒေသတွေကတော့ထင်ထင်ရှားရှား တွေ့မြင်နိုင်မယ်လို့ ကျွမ်းကျင်သူတွေက ခန့်မှန်းထားပါတယ်။
