Facebook နဲ့ Instagram မိခင်ကုမ္ပဏီဖြစ်တဲ့ Meta ဟာ ဗြိတိန်မှာ subscribe လုပ်ပြီး ကြော်ငြာတွေ ဖယ်ရှားနိုင်မယ့် ငွေပေးချေရတဲ့ အစီအစဉ်ကို လုပ်ဖို့ စဉ်းစားနေကြောင်း NBC သတင်းမှာပါရှိပါတယ်။အသုံးပြုသူတွေနဲ့ သူတိုရဲ့ ဒေတာအချက်အလက်တွေကို မသိရှိစေချင်ပါက ad-free ကို အခပေးပြီး သုံးစွဲရမှာ ဖြစ်တယ်လို့ဆိုပါတယ်။
Meta ဟာ facebook နဲ့ Instagram မှာ ad-free ကို အခကြေးငွေယူပြီး ပြုလုပ်မှုကို ဥရောပသမဂ္ဂ နိုင်ငံတွေမှာ အစောပိုင်းကတည်းက စတင်ခဲ့ပြီး တစ်လကို ယူရို ၅ ဒသမ ၉၉ က စတင်ပြီး ကောက်ခံလေ့ရှိပါတယ်။Meta ဟာ ဥရောပမှာ ၂၀၂၃ အောက်တိုဘာလကတည်းက ad-free ကို စတင်ခဲ့ပြီး စတဲ့အချိန်တုန်းက တစ်လကို ယူရို ၉ ဒသမ ၉၉ ကောက်ခံခဲ့ပါတယ်။ကုမ္ပဏီရဲ့ ပြောရေးဆိုခွင့်ရှိသူတစ်ယောက်က ဗြိတိန်မှာလည်း ဒီလိုအစီအစဉ်စဖို့ ပြောဆိုခဲ့ပါတယ်။
၂၀၂၄ ခုနှစ်က ဆွေးနွေးတိုင်ပင်မှုနောက်ပိုင်း ဗြိတိန်ရဲ့ ဒေတာတွေကို စောင့်ကြည့်ရေးအဖွဲ့နဲ့ အပြုသဘော ဆောင်တဲ့အခပေးစနစ်ကို ပြုလုပ်မယ်လို့ Meta က ပြောပါတယ်။Ad-free ဆားဗစ်မစတင်ခင် ဒေတာကာကွယ်မှုအတွက် စိုးရိမ်စိတ်ကို Meta စဉ်းစားရမယ်လို့ သတင်းအချက် အလက်ကော်မရှင်နာရုံးက ပြောထားပါတယ်။ ဒါ့အပြင် Meta က အဲဒီပလက်ဖောင်းမှာ ကိုယ်ပိုင်ကြော်ငြာတွေကို အလကား အသုံးပြုခွင့် ပေးမယ်လိုလည်း ပြောပါတယ်။
