ပြီးခဲ့တဲ့ ဇန်နဝါရီ ၁၈ ရက် ည ၁၁ နာရီဝန်းကျင်ကစပြီး အမေရိကန်မှာ Tik Tok အသုံးပြုခွင့်ကို စတင် ပိတ်သိမ်း လိုက်တာကြောင့် အမေရိကန်ပြည်ထောင်စုမှာရှိတဲ့ ပြည်သူတွေအကြား အတော်လေး ဂယက်ရိုက်မှုတွေ ဖြစ်ပေါ် ခဲ့ပါတယ်။
TikTok ကို တရားဥပဒေအရ တားမြစ်ပိတ်ပင်ခွင့်ရှိပေမယ့် ရွေးကောက်ခံသမ္မတ ဒေါ်နယ် ထရမ့်က သူ သမ္မတတာဝန် စတင်ထမ်းဆောင်တာနဲ့ TikTok ကို ပြန်လည်အသက်သွင်းမှာဖြစ်ကြောင်း ဇန်နဝါရီ ၁၉ ရက်က CNN သတင်းဌာနကို ပြောကြားခဲ့ပါတယ်။ လက်ရှိမှာတော့ ထရမ့်မှတ်ချက်ပြုပြီးနောက် အမေရိကန်မှာ Tik Tok ကို ပြန်လည်အသုံးပြုခွင့်ရပြီဖြစ်ကြောင်း သက်ဆိုင်ရာတာဝန်ရှိသူတွေရဲ့ ပြောကြားချက်အရ သိရပါတယ်။
ရွေးကောက်ခံသမ္မတ ဒေါ်နယ်ထရမ့်ဟာ သူ သမ္မတတာဝန်ထမ်းဆောင်တာနဲ့ TikTok ပိတ်ပင်မှုကို ရက်ပေါင်း ၉၀ နီးပါး ပြန်လည်သက်သာခွင့် ပေးမှာဖြစ်ကြောင်းလည်း ဇန်နဝါရီ ၁၉ ရက်က ပြောကြားခဲ့ပါသေးတယ်။
