တရုတ်နိုင်ငံမှာ သန့်ရှင်းတဲ့ စွမ်းအင်ထုတ်လုပ်မှု တိုးချဲ့ဖို့အတွက် Apple ကုမ္ပဏီက စီစဉ်နေပြီဖြစ်ကြောင်း Apple Insider သတင်းမှာ ဖော်ပြပါရှိပါတယ်။ သန့်ရှင်းတဲ့ စွမ်းအင်ထုတ်လုပ်မှု တိုးချဲ့ဖို့အတွက် ရင်းနှီးမြှုပ်နှံမှုရန်ပုံငွေ အမေရိကန်ဒေါ်လာ ၉၉ သန်း ထည့်ဝင်သွားမှာဖြစ်တယ်လို့ ကုမ္ပဏီအမှုဆောင်အရာရှိချုပ်က ပြောပါတယ်။
China Clean Energy Fund ကို ၂၀၁၈ ခုနှစ်ကတည်းက Apple ကုမ္ပဏီက စတင်ဆောင်ရွက်လာခဲ့တာဖြစ်ပြီး လက်ရှိ တရုတ်နိုင်ငံမှာ ရင်းနှီးမြှုပ်နှံဖို့ စတင်နေတာဖြစ်ပါတယ်။ အဲဒီစီမံကိန်းကို တရုတ်ရင်းနှီးမြှုပ်နှံသူ ၁၂ ယောက်နဲ့အတူ ပြန်ပြည့်ဖြိုးမြဲစွမ်းအင်ရင်းမြစ်တွေနဲ့ ချိတ်ဆက်ပြီး ရင်းနှီးမြှုပ်နှံမှုတွေ တိုးချဲ့ဆောင်ရွက်သွားမှာ ဖြစ်ပါတယ်။
အဲဒီတိုးချဲ့စီမံကိန်းအသစ်မှာ တရုတ်နိုင်ငံက လျှပ်စစ်ဓာတ်အား မဂ္ဂါဝပ်နာရီပေါင်း ၅၅၀,၀၀၀ ကျော်နဲ့ နေရောင်ခြည်စွမ်းအင်သုံး လျှပ်စစ်ဓာတ်အား ထုတ်လုပ်မှုကို ပေါင်းထည့်ဖို့လည်း ရည်ရွယ်ထားပါတယ်။ ဒါ့အပြင် ဒီပရောဂျက်ဟာ လာမယ့် ၂၀၃၀ ပြည့်နှစ်အတွင်း ကာဗွန်လုံးဝကင်းစင်လာစေဖို့အတွက် Apple ရဲ့ ရည်မှန်းချက် တစ်စိတ်တစ်ပိုင်းလည်း ဖြစ်ပါတယ်။
