ခြံအမှတ်(၅၄) ခွဲရောင်းရန်လျှောက်ထားချက် တရားရုံးပယ်ချ

ရန်ကုန်မြို့၊ တက္ကသိုလ်ရိပ်သာလမ်းက နေအိမ်ခြံအမှတ်(၅၄)ကို တစ်ဝက်ခွဲ ရောင်းချဖို့ ဦးအောင်ဆန်းဦးဘက်က လျှောက်ထားချက်အပေါ် ဇွန် ၁၂ ရက်မှာ ကမာရွတ်ခရိုင်တရားရုံးက ပယ်ချလိုက်တယ်လို့ ဦးအောင်ဆန်းဦးရဲ့ ရှေ့နေက One News ကို ပြောပါတယ်။အဲဒီပယ်ချတဲ့ အမိန့်အပေါ် ဥပဒေလုပ်ထုံးလုပ်နည်းနဲ့အညီ ဆက်လက်ဆောင်ရွက်သွားမှာ ဖြစ်တယ်လို့ ဆိုပါ တယ်။

နေအိမ်ခြံ အမှတ်(၅၄)ကို တစ်ဝက်ခွဲရောင်းချဖို့ လျှောက်ထားမှုကိုတော့ ဒေါ်အောင်ဆန်းစုကြည်ရဲ့ ရှေ့နေအဖွဲ့ က ဇွန် ၅ ရက် ရုံးချိန်းမှာ ကန့်ကွက်လွှာ တင်သွင်းခဲ့ပါတယ်။ဧရိယာအနေနဲ့ ၁ ဒသမ ၉၂၃ ဧက ကျယ်ဝန်းတဲ့ ခြံအမှတ်(၅၄)ရှိ မြေ ၀ ဒသမ ၉၂၃ ဧကကို ချန်ပြီး ကျန်တဲ့ မြေတစ်ဧကကို အရင်ရောင်းချဖို့ ဦးအောင်ဆန်းဦးဘက်က မေ ၂၉ ရက် ရုံးချိန်းမှာ လျှောက်ထားခဲ့တာ ဖြစ်ပါ တယ်။နေအိမ်ခြံ အမှတ်(၅၄)ကို ကျပ်ဘီလီယံ (၂၇၀)နဲ့ ပြီးခဲ့တဲ့ ဧပြီ ၂၉ ရက်က စတုတ္ထအကြိမ် လေလံတင် ရောင်းချခဲ့ ရာမှာလည်း လေလံဆွဲ ဝယ်ယူတဲ့သူ တစ်ယောက်မှ မရှိခဲ့ပါဘူး။