တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေးသဘောတူစာချုပ်(NCA) လက်မှတ်ရေးထိုးတဲ့ (၁၀)နှစ်ပြည့် အခမ်း အနားကို ကြီးကျယ်ခမ်းနားစွာ ကျင်းပသွားမှာဖြစ်တယ်လို အမျိုးသားစည်းလုံးညီညွတ်ရေးနှင့် ငြိမ်းချမ်းရေး ဖော်ဆောင်မှု ညှိနှိင်းရေးကော်မတီ(NSPNC) အတွင်းရေးမှူး ဒုတိယဗိုလ်ချုပ်ကြီး မင်းနိုင်က ပြောပါတယ်။
မတ်လ ၂၄ ရက်က နေပြည်တော်ရှိ အမျိုးသားစည်းလုံးညီညွတ်ရေး နှင့် ငြိမ်းချမ်းရေးဖော်ဆောင်မှုဗဟိုဌာနမှာ ကျင်းပတဲ့ ငြိမ်းချမ်းရေး စကားဝိုင်းဆွေးနွေးပွဲ ၂၀၂၅ မှာ အခုလို ပြောကြားလိုက်တာပါ။ NCA ၁၀ နှစ်ပြည့် အခမ်းအနား ကြီးကျယ်ခမ်းနားစွာ ကျင်းပနိုင်ဖိုအတွက် ဆောင်ရွက်ဖို လိုအပ်တာတွေကို စတင် လုပ်ဆောင်နေပြီ ဖြစ်တယ်လိုလည်း ဆိုပါတယ်။တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေးသဘောတူစာချုပ်(NCA)ကို ၂၀၁၅ ခုနှစ်၊ အောက်တိုဘာ ၁၅ ရက်မှာ တိုင်းရင်းသားလက်နက်ကိုင်အဖွဲ ၈ ဖွဲ လက်မှတ်ရေးထိုးခဲ့တာဖြစ်ပြီး ၂၀၁၈ ခုနှစ်၊ ဖေဖော်ဝါရီလ ၁၃ ရက်မှာ နောက်ထပ် ၂ ဖွဲ ထပ်မံ လက်မှတ်ရေးထိုးခဲ့တာ ဖြစ်ပါတယ်။
