ရန်ကုန်တိုင်းဒေသကြီးအတွင်းမှာရှိတဲ့ ကန်ထရိုက်တိုက်ခန်းတွေ ဓာတ်အားရရှိရေးအတွက် ထရန်စဖော်မာဆက်စပ်ပစ္စည်းတွေကို ဝယ်ယူဖို့ ရန်ကုန်လျှပ်စစ်ဓာတ်အားပေးရေးကော်ပိုရေးရှင်းက တင်ဒါခေါ်ယူထားပါတယ်။
ထရန်စဖော်မာဆက်စပ်ပစ္စည်းတွေဝယ်ယူဖို့ တင်ဒါခေါ်ယူရာမှာ မြန်မာကျပ်ငွေနဲ့ အိတ်ဖွင့်တင်ဒါခေါ်ယူထားတာဖြစ်ပါတယ်။တင်ဒါပုံစံနဲ့ အချက်အလက်တွေကို ဌာနကသတ်မှတ်နှုန်းထားအတိုင်း ဇန်နဝါရီ၁၄ရက်ကစတင်ဝယ်ယူ လျှောက်ထားနိုင်ပြီး ဇန်နဝါရီ၂၈ရက် မွန်းလွဲ၂နာရီနောက်ဆုံးထားပြီး လျှောက်ထားရမှာဖြစ်တယ်လို့ ဆိုပါတယ်။
လက်ရှိမှာတော့ ရန်ကုန်မြို့မှာ လေးနာရီမီးလာ ရှစ်နာရီမီးပျက်၊ လေးနာရီမီးလာ လေးနာရီမီးပျက်စနစ်နဲ့ လျှပ်စစ်ဓာတ်အားဖြန့်ဖြူးပေးနေတယ်လို့ လျှပ်စစ်စွမ်းအားဝန်ကြီးဌာနက ထုတ်ပြန်ထားပါတယ်။
