မြန်မာတိုင်းဟာ နိုင်ငံတော်ကိုချစ်တဲ့စိတ်၊ ကိုယ့်ပြည်သူကိုချစ်တဲ့ စိတ်မွေးဖို့လိုပြီး မြန်မာတွေ မြန်မာစိတ်မွေးကြဖို့ နစကဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီးမင်းအောင်လှိုင်က ပြောပါတယ်။မတ်လ ၂၁ ရက်က နေပြည်တော်ရှိ MICC-1 မှာ ကျင်းပတဲ့ “၂၀၂၅ အလွန် ဗဟုဝင်ရိုးကမ္ဘာတွင် မြန်မာနိုင်ငံ ကြုံတွေ့လာရမည့် စိန်ခေါ်မှုများနှင့် အခွင့်အလမ်းများ သုံးသပ်ဆွေးနွေးပွဲ”မှာ ဗိုလ်ချုပ်မှူးကြီးမင်းအောင်လှိုင်က အခုလို ဆွေးနွေးပြောကြားခဲ့တာပါ။
စည်းလုံးညီညွတ်မှု မရှိသမျှကာလပတ်လုံး ဘယ်လိုစီးပွားရေးလုပ်လုပ်၊ ဘယ်လိုနိုင်ငံရေးစနစ်လုပ်လုပ်၊ ဘယ်လို လူမှုရေးစနစ်မျိုးလုပ်လုပ် သာယာဝပြောတဲ့ဘဝကို ဖန်တီးပေးနိုင်မှာမဟုတ်ဘူးလို့ ဗိုလ်ချုပ်မှူးကြီး မင်းအောင်လှိုင်က ပြောပါတယ်။ ပထဝီအနေအထားအရ ကြည့်လိုက်ရင် မြန်မာနိုင်ငံဟာ ဆုံချက်အနေအထားမှာရှိနေပြီး သဘာဝသယံဇာတ ပေါကြွယ်မှုတွေ ရှိနေတာကြောင့် ဒီလိုအရေးပါမှုတွေကို အရာရောက်အောင် လုပ်နိုင်မယ်ဆိုရင် တန်ဖိုးရှိလာလိမ့် မယ်လို့ ဆိုပါတယ်။ ဒါ့အပြင် စီးပွားရေးဖွံ့ဖြိုးတိုးတက်ဖို့ဆိုရင် လူသားအရင်းအမြစ်နဲ့ ရင်းနှီးမြှုပ်နှံမှု လိုအပ် တယ်လို့လည်း ဗိုလ်ချုပ်မှူးကြီးမင်းအောင်လှိုင်က ပြောပါတယ်။အခုဆွေးနွေးပွဲကို ပြန်ကြားရေးဝန်ကြီးဌာနနဲ့ မြန်မာ့ပုံရိပ်ဖော်ညွှန်းရေးအဖွဲ့တို့က ပူးပေါင်းစီစဉ်ကျင်းပတာဖြစ်ပြီး ပြည်တွင်းက နိုင်ငံရေး၊ စီးပွားရေးပညာရှင်တွေနဲ့ အိန္ဒိယ၊ တရုတ်၊ ရုရှား၊ ထိုင်း၊ နီပေါ၊ ဂျပန်၊ အီတလီ စတဲ့ နိုင်ငံတွေက ပညာရှင်တွေ ပါဝင်ဆွေးနွေးကြတာဖြစ်တယ်လို့ သိရပါတယ်။
