နိုင်ငံတော်စီမံအုပ်ချုပ်ရေးကောင်စီက ပြည်ထောင်စုအစိုးရအဖွဲ့ ပြင်ဆင်ဖွဲ့စည်းလိုက်တယ်လို့ ဇန်နဝါရီ ၃၁ ရက်မှာ အမိန့်ထုတ်ပြန်ပါတယ်။ရှေ့လုပ်ငန်းစဉ် ၅ ရပ် နဲ့ ဦးတည်ချက် ၉ ရပ်ကို ပိုမိုမြန်ဆန်ထိရောက်စွာ အကောင်အထည်ဖော်နိုင်ဖို့အတွက် ဖွဲ့စည်းပုံ အခြေခံဥပဒေပုဒ်မ ၄၁၉ အရ ပြင်ဆင်ဖွဲ့စည်းလိုက်တာပါ။ပြင်ဆင်ဖွဲ့စည်းလိုက်တဲ့ အစိုးရအဖွဲ့မှာတော့ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် နဲ့ ဒုတိယဝန်ကြီးချုပ် ဒုတိယဗိုလ်ချုပ်မှူးကြီး စိုးဝင်း တို့က ဆက်လက်တာဝန်ယူထမ်းဆောင်မှာပါ။
ဆက်လက်ပြီး နိုင်ငံတော်ဝန်ကြီးချုပ်ရုံး၊ ပို့ဆောင်ရေး နှင့်ဆက်သွယ်ရေး ဝန်ကြီးဌာန၊ ကာကွယ်ရေးဝန်ကြီးဌာန၊ စီမံကိန်း နှင့် ဘဏ္ဍာရေး ဝန်ကြီးဌာန၊ နိုင်ငံခြားရေး ဝန်ကြီးဌာနတွေ ရဲ့ ဒုတိယဝန်ကြီးချုပ် နဲ့ ပြည်ထောင်စု ဝန်ကြီးတွေကလည်း အပြောင်းအလဲမရှိခဲ့ ဘူးလို့ သိရပါတယ်။ပြည်ထဲရေး ဝန်ကြီးဌာန ပြည်ထောင်စုဝန်ကြီး အဖြစ် ဒုတိယဗိုလ်ချုပ်ကြီး ထွန်းထွန်းနောင် နဲ့ နယ်စပ်ရေးရာ ဝန် ကြီးဌာန ပြည်ထောင်စုဝန်ကြီးအဖြစ် ဒုတိယဗိုလ်ချုပ်ကြီး ရာပြည့် တို့က ပြောင်းလဲ တာဝန်ယူ ထမ်းဆောင်သွား မယ်လို့ အမိန့်အရ သိရပါတယ်။
နိုင်ငံတော်စီမံအုပ်ချုပ်ရေးကောင်စီ ဥက္ကဋ္ဌရုံး ဝန်ကြီးဌာန (၁)၊ (၂) နဲ့ (၄) ပြည်ထောင်စုဝန်ကြီးတွေကလည်း အပြောင်းအလဲ မရှိခဲ့ဘဲ နိုင်ငံတော်စီမံအုပ်ချုပ်ရေးကောင်စီ ဥက္ကဋ္ဌရုံး ဝန်ကြီးဌာန (၃) ပြည်ထောင်စုဝန်ကြီးနေရာ တော့ အသစ်ခန့်အပ်ခဲ့ပါတယ်။ရင်းနှီးမြှုပ်နှံမှု နှင့် နိုင်ငံခြားစီးပွားဆက်သွယ်ရေး ဝန်ကြီးဌာန၊ ဥပဒေရေးရာဝန်ကြီးဌာ န၊ ပြန်ကြားရေးဝန်ကြီးဌာန၊ သာသနာရေး နှင့် ယဉ်ကျေးမှုူ ဝန်ကြီးဌာန၊ စိုက်ပျိုးရေး၊ မွေးမြူရေး နှင့် ဆည်မြောင်း ဝန်ကြီးဌာန၊ သမဝါယမ နှင့် ကျေးလက်ဖွံ့ဖြိုးရေး ဝန်ကြီးဌာန၊ သယံဇာတ နှင့် သဘာဝပတ်ဝန်းကျင် ထိန်းသိမ်း ရေး ဝန်ကြီးဌာန၊ လျှပ်စစ်စွမ်းအား ဝန်ကြီးဌာန နဲ့ စွမ်းအင်ဝန်ကြီးဌာနတို့က ပြည်ထောင်စုဝန်ကြီးတွေလည်း အ ပြောင်းအလဲ မရှိခဲ့ပါဘူး။
ဆက်လက်ပြီး စက်မှုဝန်ကြီးဌာန၊ စီးပွားရေး နှင့် ကူးသန်းရောင်းဝယ်ရေး ဝန်ကြီးဌာန၊ သိပ္ပံ နှင့် နည်းပညာဝန်ကြီး ဌာန၊ ကျန်းမာရေးဝန်ကြီးဌာန၊ ဆောက်လုပ်ရေး ဝန်ကြီးဌာန၊ လူမှုဝန်ထမ်း၊ ကယ်ဆယ်ရေး နှင့် ပြန်လည်နေရာ ချ ထားရေး ဝန်ကြီးဌာနတွေရဲ့ ပြည်ထောင်စုဝန်ကြီးတွေကတော့ အပြောင်းအလဲ မရှိခဲ့ဘူးလို့လည်း သိရပါတယ်။အလုပ်သမားဝန်ကြီးဌာန၊ အားကစား နှင့် လူငယ်ရေးရာဝန်ကြီးဌာန၊ ဟိုတယ် နှင့် ခရီးသွားလာ ရေး ဝန်ကြီးဌာန နဲ့ တိုင်းရင်းသားလူမျိုးများ ရေးရာ ဝန်ကြီးဌာနတွေရဲ့ ပြည်ထောင်စုဝန်ကြီး နေရာတွေကတော့ အပြောင်းအလဲ ဖြစ်ပေါ်ခဲ့တယ်လို့ သိရပါတယ်။
