မြန်မာနိုင်ငံရဲ့ နယ်စပ်ဒေသတွေမှာ ဖြစ်ပေါ်နေတဲ့ အွန်လိုင်းလောင်းကစားမှုနဲ့ အွန်လိုင်းလိမ်လည်သူတွေကို ဖော်ထုတ်ဖမ်းဆီးပြီး ထိထိရောက်ရောက် အရေးယူဆောင်ရွက်နေရာမှာ အွန်လိုင်းလိမ်လည်သူ ၃၅၀၀ ကျော်ကို လွှဲပြောင်းပြီးဖြစ်တယ်လို ပြန်ကြားရေးဝန်ကြီးဌာန၊ မီဒီယာဖွံဖြိုးတိုးတက်ရေးဦးစီးဌာန ဒုတိယညွှန်ကြားရေး မှူးချုပ် ဦးဇေယျာက ပြောပါတယ်။
မတ်လ ၂၀ ရက် မနက်ပိုင်းက ရန်ကုန်မြိုရှိ Wyndham Grand Yangon Hotel မှာ ကျင်းပတဲ့ တရုတ်-မြန်မာ မီဒီယာတွေ့ဆုံပွဲမှာ အခုလို ပြောကြားခဲ့တာ ဖြစ်ပါတယ်။ ၂၀၂၅ ခုနှစ် ဇန်နဝါရီလ ၃၀ ရက်ကနေ မတ်လ ၁၆ ရက်နေ့အထိ မြန်မာနိုင်ငံအတွင်းမှာ တရားမဝင် ဝင်ရောက် လာတဲ့ ပြည်ပနိုင်ငံသား ၆၅၉၉ ယောက်ကို စစ်ဆေး ဖော်ထုတ်ထိန်းသိမ်းနိုင်ခဲ့ပြီး အဲဒီထဲက ၃၅၈၈ ယောက်ကို ထိုင်းနိုင်ငံကတစ်ဆင့် သက်ဆိုင်ရာနိုင်ငံတွေကို လုပ်ထုံးလုပ်နည်းနဲ့အညီ စနစ်တကျ လွှပြောင်းပေးခဲ့ပြီး ဖြစ်တယ်လို ဆိုပါတယ်။ဒါ့အပြင် ကျန်ရှိနေသေးတဲ့ ပြည်ပနိုင်ငံသား ၃၀၁၁ ယောက်ကိုလည်း သက်ဆိုင်ရာနိုင်ငံတွေကို လွှဲပြောင်းပေးနိုင်ဖို အဆင်သင့်ဖြစ်နေပြီး ကောင်းကောင်းမွန်မွန် ထိန်းသိမ်းထားတယ်လို ဆိုပါတယ်။ မြန်မာနိုင်ငံရဲ့ နယ်စပ်ဒေသ တွေမှာ ဖြစ်ပေါ်နေတဲ့ အွန်လိုင်းလောင်းကစားမှုနဲ့ အွန်လိုင်းလိမ်လည်သူတွေကို တားဆီးကာကွယ် နှိမ်နင်းတိုက် ဖျက်ရေးလုပ်ငန်းတွေမှာ အိမ်နီးချင်းနိုင်ငံတွေအပါအဝင် နိုင်ငံတကာက အဖွဲအစည်းတွေနဲ့ ပူးပေါင်းပြီး ထိထိ ရောက်ရောက် နှိမ်နင်းဆောင်ရွက်နေပါတယ်။
မြန်မာ-တရုတ်-ထိုင်း ၃ နိုင်ငံကြားမှာ သုံးပွင့်ဆိုင် ပူးပေါင်းဆောင်ရွက်မှုပုံစံနဲ့ အွန်လိုင်းလောင်းကစားမှု၊ အွန်လိုင်း လိမ်လည်မှု၊ အွန်လိုင်း Scan Center လုပ်ငန်း စတဲ့ ဒုစရိုက်လုပ်ငန်းတွေနဲ့ ဆက်စပ်ပါဝင်နေတဲ့ ပြည်ပ နိုင်ငံသား တွေ ပါဝင်ပတ်သက်နေပြီး နောက်ကွယ်ကနေ ကြိုးကိုင်နေတဲ့ နိုင်ငံခြားသားတွေကို ဖော်ထုတ်ဖမ်းဆီးကာ ထိထိ ရောက်ရောက် အရေးယူဆောင်ရွက်နေတယ်လို သိရပါတယ်။ ထိန်းသိမ်းထားတဲ့ ပြည်ပနိုင်ငံသားတွေကတော့ တရုတ်၊ အင်ဒိုနီးရှား၊ ဗီယက်နမ်၊ မလေးရှား၊ ပါကစ္စတန်၊ အိန္ဒိယ၊ ယူဂန်ဒါ၊ အီသီယိုးပီးယား၊ နီပေါ၊ ထိုင်း၊ ဂျပန်၊ ရဝမ်ဒါ၊ ကင်ညာ၊ ကာဇက်စတန်၊ ကမ္ဘောဒီးယား၊ ဂါနာ၊ ဘင်္ဂလား ဒေ့ရှ်နဲ့ တရုတ်(တိုင်ပေ)တိုကဖြစ်ပြီး အများစု ကတော့ တရုတ်နိုင်ငံသားတွေ ဖြစ်ကြတယ်လို သိရပါတယ်။
