ရွေးကောက်ပွဲနဲ့ပတ်သက်ပြီး အရင်ရွေးကောက်ပွဲတွေမှာ ကျင့်သုံးခဲ့တဲ့ မဲများသူအနိုင်ရတဲ့စနစ်(First Past The Post) FPTP စနစ်အပြင် အမျိုးသားလွှတ်တော်နဲ့ တိုင်းဒေသကြီးလွှတ်တော်တွေမှာ PR စနစ်ကို ပေါင်းစပ် ကျင့်သုံးနိုင်ဖို့ လျာထားပြီး အားလုံးသဘောတူ ဆုံးဖြတ်ပြီးရင် တစ်နိုင်ငံလုံးကို အသိပေးမှုတွေ ကျယ်ကျယ် ပြန့်ပြန့် ဆောင်ရွက်သွားမှာဖြစ်တယ်လို့ နိုင်ငံတော်စီမံအုပ်ချုပ်ရေးကောင်စီ ဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီးမင်းအောင်လှိုင်က ပြောပါတယ်။
မတ်လ(၂၅)ရက် မနက်ပိုင်းက နေပြည်တော်ရှိ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌရုံး အစည်းအဝေးခန်းမှာ ပြုလုပ်တဲ့ နိုင်ငံတော်စီမံအုပ်ချုပ်ရေးကောင်စီအစည်းအဝေးမှာ အခုလို ထည့်သွင်းပြောကြားခဲ့တာပါ။ရွေးကောက်ပွဲ ကျင်းပနိုင်ဖို့အတွက် ကြိုတင်ပြင်ဆင်တာတွေကို ပြုလုပ်နိုင်ဖို့ဆိုရင် အချိန်ကာလအနေနဲ့ ၉ လခန့် ကျန်ရှိပြီး ကြိုတင်ပြင်ဆင်ချိန်ပေးသွားမှာဖြစ်ပြီး ပါတီတွေမှတ်ပုံတင်တာနဲ့ပတ်သက်လို့လည်း အချိန် လုံလုံ လောက်လောက်ပေးကာ ဆောင်ရွက်ပေးထားပြီးဖြစ်တယ်လို့ ပြောပါတယ်။ဒါ့အပြင် ကြိုတင်ဆန္ဒမဲပေးတာနဲ့ ပတ်သက်လို့ ရွေးကောက်ပွဲကို မထိခိုက်မယ့်စနစ်နဲ့ ဆောင်ရွက်သွားဖို့လိုပြီး ဆန္ဒမဲ ပေးပိုင်ခွင့်ရှိသူအားလုံး ဆန္ဒမဲ ပေးနိုင်ဖို့ လိုတယ်လို့လည်း ဗိုလ်ချုပ်မှူးကြီးမင်းအောင်လှိုင်က ပြောကြားခဲ့ ပါတယ်။
