ရွေးကောက်ပွဲမတိုင်မီ အစုအဖွဲ့အားလုံးပါဝင်တဲ့ ညီလာခံသဘောမျိုး ကျင်းပသင့်တယ်လို့ နိုင်ငံရေးပါတီတချို့က ပြောပါတယ်။ အဲဒီလိုတွေ့ဆုံဆွေးနွေးပွဲမျိုး ပြုလုပ်နိုင်မယ်ဆိုရင် ရွေးကောက်ပွဲအပေါ်မှာ တိုက်ရိုက် ဒါမှမဟုတ် တစ်ဆင့်ခံ အကျိုးကျေးဇူးရရှိနိုင်တယ်လို့ ရခိုင့်ဦးဆောင်ပါတီဥက္ကဋ္ဌ ဒေါက်တာအေးမောင် ကပြောပါတယ်။
အားလုံးပါဝင်တဲ့ ဆွေးနွေးပွဲတစ်ခုက လက်ရှိဖြစ်ပေါ်နေတဲ့ တင်းမာမှုတွေကို ဖြေလျှော့ပေးနိုင်ဖွယ်ရှိတယ်လို့ ဆိုပါတယ်။ တွေ့ဆုံပွဲမှာ တိုင်းရင်းသားလက်နက်ကိုင်အဖွဲ့တွေအားလုံး စုံစုံညီညီ ပါဝင်နိုင်မယ်ဆိုရင် ပိုကောင်း တယ်လို့ ရှမ်းနှင့်တိုင်းရင်းသားများ ဒီမိုကရက်တစ်ပါတီ(ကျားဖြူပါတီ)ဥက္ကဋ္ဌ ဦးစိုင်းအိုက်ပေါင်းက ပြောပါတယ်။ တိုင်းရင်းသား ညီအစ်ကိုအချင်းချင်း ဆွေးနွေးညှိနှိုင်းသွားမယ်ဆိုရင် အောင်မြင်ဖို့ ယုံကြည်တယ်လို့လည်း ပြောပါတယ်။
အားလုံးပါဝင်တဲ့ ဆွေးနွေးမှုမျိုးကို ရွေးကောက်ပွဲမတိုင်မီရော ရွေးကောက်ပွဲအလွန်မှာရော ဆက်လက်လုပ်ဆောင် နေရဦးမှာဖြစ်တယ်လို့ ပြည်သူ့ပါတီဥက္ကဋ္ဌ ဦးကိုကိုကြီးက ပြောပါတယ်။လက်ရှိမှာ ရွေးကောက်ပွဲကို အစောဆုံး အခုနှစ် ဒီဇင်ဘာ ဒါမှမဟုတ် ၂၀၂၆ ဇန်နဝါရီမှာ ကျင်းပနိုင်ဖို့ ကြိုးပမ်း ဆောင်ရွက်နေတယ်လို့ နစကဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီးမင်းအောင်လှိုင်က ရုရှားနိုင်ငံ ခရီးစဉ်မှာ ပြောကြားခဲ့သလို မတ်လ ၂၅ ရက်က ပြုလုပ်တဲ့ နိုင်ငံတော်စီမံအုပ်ချုပ် ရေးကောင်စီအစည်းအဝေးမှာ လည်း အမျိုးသားလွှတ်တော်မဲဆန္ဒနယ်တွေနဲ့ တိုင်းဒေသကြီး/ပြည်နယ်မဲဆန္ဒနယ်တွေမှာ အချိုးကျကိုယ်စားပြု စနစ်(PR)ကျင့်သုံးဖို့ လျာထားတယ်လို့ ဗိုလ်ချုပ်မှူးကြီးမင်းအောင်လှိုင်က ပြောကြားထားပါတယ်။
