၂၀၂၅ အလွန်မှာ နိုင်ငံရေးနဲ့ပတ်သက်လာရင် မိမိတို့အတွက် အလွန်ကြီးမားတဲ့စိန်ခေါ်မှုတွေ ဖြစ်ပေါ်လာနိုင် တယ်လို့ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီးမင်းအောင်လှိုင်က ပြောပါတယ်။မတ်လ(၂၅)ရက် မနက်ပိုင်းက နေပြည်တော်ရှိ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌရုံးအစည်းအဝေးခန်းမှာ ပြုလုပ်တဲ့ နိုင်ငံတော်စီမံအုပ်ချုပ်ရေးကောင်စီအစည်းအဝေးမှာ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီးမင်းအောင်လှိုင်က အခုလို ထည့်သွင်းပြောကြားခဲ့တာပါ။
ပါတီစုံဒီမိုကရေစီစနစ် ခိုင်ခိုင်မာမာဖြစ်စေရေးအတွက် ဘယ်လိုထိန်းကျောင်းဆောင်ရွက်သွားရမှာကို စဉ်းစား ဆောင်ရွက်သွားရမှာဖြစ်တယ်။ ဒါ့အပြင် ပထဝီအနေအထားအရလည်း မိမိတို့နိုင်ငံအနေနဲ့ သဘောသဘာဝ မတူညီတဲ့ အင်အားကြီးနိုင်ငံကြီး နှစ်ခုအကြားမှာ နယ်နိမိတ်ထိစပ်တည်ရှိနေပြီး ပထဝီအနေအထားအရ စိန်ခေါ်မှုတစ်ရပ်ကို ရင်ဆိုင်နေရတာဖြစ်သလို မိမိတို့အနေနဲ့ နိုင်ငံရေးအရ၊ ပထဝီအနေအထားအရ စိန်ခေါ်မှု များစွာရှိနေတာကို သိရှိနေရမှာဖြစ်တယ်လို့လည်း ပြောကြားခဲ့ပါတယ်။
