နေပြည်တော်မှာ ကျင်းပနေတဲ့ ငြိမ်းချမ်းရေး စကားဝိုင်းဆွေးနွေးပွဲ ပထမနေ့မှာ နိုင်ငံရေးနဲ့လုံခြုံရေးကဏ္ဍအနေနဲ့ ပဋိပက္ခလျှော့ချရေးနဲ့ အပစ်အခတ်ရပ်စဲရေး လုပ်ငန်းစဉ်တစ်ရပ်ဖြစ်ပေါ်ရေးနဲ့ပတ်သက်ပြီး ဆွေးနွေးခဲ့ကြတယ်လို သိရပါတယ်။အဲဒီလိုဆွေးနွေးရာမှာ ပဋိပက္ခလျှော့ချရေး၊ ပြန်လည်သင့်မြတ်ရေးနဲ့ ကုစားရေးနည်းလမ်းတွေ၊ နိုင်ငံရေး အကျပ် အတည်းက ရုန်းထွက်ဖိုအတွက် ရေတိုရေရှည်လုပ်ငန်းစဉ်တွေ ချမှတ်ဖို၊ ပစ်ခတ်တိုက်ခိုက်မှု ရပ်စဲရေး လုပ်ငန်းစဉ် တစ်ရပ် ဖော်ထုတ်ဖို စတဲ့ အချက်တွေကို ဆွေးနွေးခဲ့ကြတာ ဖြစ်တယ်လို ဆိုပါတယ်။
အခုလို တစ်ယောက်နဲ့ တစ်ယောက် တွေ့ဆုံဆွေးနွေးခြင်းအားဖြင့် မာန်တွေလျော့သွားနိုင်သလို ငြိမ်းချမ်းရေးဟာ ဘယ်လောက်အထိ တန်ဖိုးရှိလဲဆိုတာ ပြည်သူတွေ သိရှိသွားနိုင်တဲ့အတွက် အခုလို ငြိမ်းချမ်းရေး စကားဝိုင်း ဆွေးနွေးပွဲတွေ လိုအပ် တယ်လို ဆွေးနွေးပွဲမှာ ပါဝင်ဆွေးနွေးသူတစ်ယောက်ဖြစ်တဲ့ ရခိုင်ပြည် လွတ်မြောက် ရေးပါတီ(ALP)ဥက္ကဋ္ဌ ဒေါ်စောမြရာဇာလင်းက ပြောပါတယ်။ဒီဆွေးနွေးပွဲက ရရှိလာတဲ့ရလဒ်တွေကို နိုင်ငံတော်အကြီးအကဲထံ တင်ပြသွားမှာဖြစ်တယ်လို ဆိုပါတယ်။ အခု ကျင်းပနေတဲ့ ငြိမ်းချမ်းရေးစကားဝိုင်း ဆွေးနွေးပွဲမှာ နိုင်ငံရေးနဲ့လုံခြုံရေးကဏ္ဍ၊ စီးပွားရေးနဲ့ နိုင်ငံတော် ဖွံဖြိုး တိုးတက်ရေးကဏ္ဍဆိုပြီး အဖွဲ ၂ ဖွဲခွဲကာ ဆွေးနွေးကြတာ ဖြစ်ပါတယ်။ တည်ငြိမ်အေးချမ်းမှု မရှိရင် ဖွံဖြိုးတိုး တက်ရေးဆောင်ရွက်လို မရသလို ဖွံဖြိုးတိုးတက်ရေးလုပ်တဲ့ အခါမှာလည်း မျှတတဲ့ ဖွံဖြိုးတိုးတက်မှုတွေ မဖြစ်တာကြောင့်လည်း ပဋိပက္ခတွေ ဖြစ်ပေါ်နေတာ ဖြစ်တယ်လို စီးပွားရေးနဲ့ နိုင်ငံတော် ဖွံဖြိုးတိုးတက် ရေးကဏ္ဍမှာ ပါဝင်ဆွေးနွေးသူ တစ်ယောက်ဖြစ်တဲ့ ပြည်သူ့ပါတီဥက္ကဋ္ဌ ဦးကိုကိုကြီးက ပြောပါတယ်။
ငြိမ်းချမ်းရေးစကားဝိုင်းဆွေးနွေးပွဲကို မတ်လ ၂၄ ရက်ကနေ ၂၆ ရက်အထိ နေပြည်တော်မှာရှိတဲ့ အမျိုးသား စည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှု ဗဟိုဌာနမှာ ကျင်းပနေတာဖြစ်ပြီး အမျိုးသား စည်းလုံး ညီညွတ်ရေးနှင့် ငြိမ်းချမ်းရေးဖော်ဆောင်မှု ညှိနှိင်းရေး ကော်မတီ(NSPNC)က ကော်မတီဝင်တွေ၊ တပ်မတော်က အငြိမ်းစား အရာရှိကြီးတွေ၊ JMC ကိုယ်စားလှယ်တွေ၊ NCA လက်မှတ်ရေးထိုးထားတဲ့တိုင်းရင်းသားလက်နက်ကိုင် အဖွဲတွေက ကိုယ်စားလှယ်တွေ၊ နိုင်ငံရေးပါတီတွေက ကိုယ်စားလှယ်တွေ၊ ငြိမ်းချမ်းရေးလုပ်ငန်းစဉ်မှာ ပါဝင် ဆောင်ရွက်နေသူတွေ၊ ပါဝင်သင့်ပါဝင်ထိုက်သူတွေ၊ ဝန်ကြီးဌာန၊ အဖွဲအစည်းတွေက တာဝန်ရှိသူတွေ၊ အသင်းအဖွဲတွေနဲ့ လေ့လာသူတွေ ပါဝင်တက်ရောက်ကြပါတယ်။
