အမျိုးသားစည်းလုံးညီညွတ်ရေး နှင့် ငြိမ်းချမ်းရေးဖော်ဆောင်မှု ညှိနှိင်းရေးကော်မတီ (NSPNC)၊ NCA လက်မှတ် ရေးထိုးထားတဲ့ တိုင်းရင်းသား လက်နက်ကိုင်အဖွဲတွေ၊ နိုင်ငံရေးပါတီတွေ သုံးပွင့်ဆိုင်ပါဝင်တဲ့ ငြိမ်းချမ်းရေး စကားဝိုင်း Peace Talk 2025 ကို မတ်လ ၂၄ ရက်ကစပြီး မတ်လ ၂၆ ရက်အထိ နေပြည်တော်ရှိ အမျိုးသား စည်းလုံးညီညွတ်ရေး နှင့် ငြိမ်းချမ်းရေး ဖော်ဆောင်မှု ဗဟိုဌာနမှာ ကျင်းပနေပြီ ဖြစ်ပါတယ်။
စကားဝိုင်းကျင်းရခြင်းရဲ့ ရည်ရွယ်ချက်ကတော့ ငြိမ်းချမ်းရေးလုပ်ငန်းစဉ်အပေါ်မှာ ကဏ္ဍအသီးသီးက ထင်ပေါ် ကျော်ကြားသူတွေ၊ အသိပညာရှင်၊ အတတ်ပညာရှင်တွေက ပိုမိုအာရုံစိုက် ပါဝင်လုပ်ဆောင်နိုင်စေဖို၊ ငြိမ်းချမ်းရေး အတွက် အကြမ်းမဖက်တဲ့နည်းလမ်းနဲ့ ဆောင်ရွက်ခြင်းကသာ ရေရှည်တည်တံ့မှာဖြစ်ကြောင်းကို လူထုအကြား အသိအမြင်တိုးမြှင့်လာစေဖို၊ နိုင်ငံအတွင်းပဋိပက္ခတွေ အမြန်ဆုံးလျှော့ချပြီး နိုင်ငံရေး၊ စီးပွားရေးတွေ ပိုမိုတိုးတက် ကောင်းမွန် လာစေမယ့် ရေတို-ရေရှည် လုပ်ငန်းစဉ်တွေ ဖော်ထုတ်နိုင်ဖို ဖြစ်တယ်လို ဆိုပါတယ်။ဒီစကားဝိုင်းကို NSPNCက ကော်မတီဝင်တွေ၊ တပ်မတော်အငြိမ်းစားအရာရှိကြီးတွေ၊ JMCကိုယ်စားလှယ်တွေ၊ တိုင်းရင်းသားလက်နက်ကိုင်အဖွဲတွေက ကိုယ်စားလှယ်တွေ၊ နိုင်ငံရေးပါတီတွေက ကိုယ်စားလှယ်တွေ၊ ငြိမ်းချမ်း ရေးလုပ်ငန်းစဉ်တွေမှာပါဝင်ဆောင်ရွက်သူတွေ၊ ပါဝင်သင့်ပါဝင်ထိုက်သူတွေ၊ ဝန်ကြီးဌာန၊ အဖွဲ အစည်းတွေက တာဝန်ရှိသူတွေ၊ အသင်းအဖွဲတွေ၊ လေ့လာသူတွေ တက်ရောက်ကြပါတယ်။
မတ်လ ၂၄ ရက် စကားဝိုင်းဆွေးနွေးပွဲပထမနေ့ ဖွင့်ပွဲအခမ်းအနားမှာ နစက အဖွဲဝင် နယ်စပ်ရေးရာ ဝန်ကြီးဌာန ပြည်ထောင်စုဝန်ကြီး NSPNC ဥက္ကဋ္ဌ ဒုတိယဗိုလ်ချုပ်ကြီး ရာပြည့်က အဖွင့်အမှာစကားပြောကြားပြီး NSPNC အတွင်းရေးမှူး ဒုတိယဗိုလ်ချုပ်ကြီး မင်းနိုင်က စကားဝိုင်း ကျင်းပရခြင်းရဲ့ ရည်ရွယ်ချက်နဲ့ အစီအစဉ်တွေကို ရှင်းလင်းပြောကြားပါတယ်။အဲဒီနောက်မှာ ဆွေးနွေးပွဲကို တက်ရောက်လာတဲ့ သက်ဆိုင်ရာအဖွဲအသီးသီးက တာဝန်ရှိသူတွေက နှုတ်ခွန်း ဆက် စကား ပြောကြားကြပါတယ်။ဆွေးနွေးပွဲမှာ နိုင်ငံရေး နဲ့ လုံခြုံရေးကဏ္ဍ၊ စီးပွားရေးနဲ့ နိုင်ငံတော်ဖွံဖြိုးတိုးတက်ရေးကဏ္ဍ ဆိုပြီး အဖွဲ ၂ ဖွဲကာ စကားဝိုင်းပုံစံ ဆွေးနွေးကြမှာ ဖြစ်တယ်လို သိရပါတယ်။
